ថ្មីៗនេះ Fala Chen បានត្រលប់មកហុងកុងជាបណ្ដោះអាសន្នដើម្បីថតរឿងថ្មីរបស់ Nick Cheung ក្រោមចំណងជើងថា Redemption ថែមទាំងឆ្លៀតចូលរួម​កម្មវិធីឧបត្ថម្ភម៉ាកយីហោម្សិលមិញទៀតផង ទោះបីជាដកឃ្លាសឹងមិនរួចក៏ដោយ ។

ក្នុងកម្មវិធីនេះដដែលអ្នកស្រី Fala បាននិយាយថា គាត់ត្រូវធ្វើដំណើរទៅសហរដ្ឋអាមេរិកវិញក្នុងយប់នេះតែម្ដងដើម្បីចំណាយពេលវេលាដ៏រីករាយនៅឱកាសចូលឆ្នាំចិនជាមួយក្រុមគ្រួសាររបស់ខ្លួន ណាមួយគាត់ខានជួបមុខប្ដីនិងកូនស្រីជាង ១០ថ្ងៃមកហើយ ។ ស្របពេលនោះដែរមានសំណួរមួយចោទសួរ Fala អំពីការពិភាក្សាការងារប្រាប់កូនស្រី ចម្លើយរបស់នាងសម្រាប់សំណួរខាងលើពិតជាគួរឲ្យកោតសរសើរពិតមែន នាងបានឆ្លើយថា “អត់ទេ ខ្ញុំព្យាយាមមិនឲ្យនាងមើលទូរទស្សន៍ទេព្រោះខ្លាចញៀន ខ្ញុំឲ្យនាងអានសៀវភៅច្រើនជាង” ។

ទោះបីជាតារាស្រីរូបនេះផ្លាស់ទៅធ្វើការក្នុងវិស័យហូលីវូដហើយក្ដី នាងនៅតែទទួលការងារក្នុងហុងកុងដដែលបើសិនការងារនោះផ្ដល់នូវលក្ខខណ្ឌល្អៗឲ្យនាង ៕

ប្រែសម្រួលដោយ ៖ វារី

ចុចអាន ៖ បាត់មុខយូរ ដឹងទេពេលនេះ ឈិនឡុង កំពុងធ្វើអ្វី?

ចុចអាន ៖ អាយុ ៦០ឆ្នាំហើយ ស្ដេចកំប្លែង ​ទិនហ្វី នៅតែមាំទាំ ដើរលេងដូចយុវវ័យ