ជីវិតកម្សាន្ដ
ពេជ្រ សូលីកា ព្រមានអ្នកដែលមានបំណងអាក្រក់លើខ្លួន
តារាចម្រៀងកូនមួយ ពេជ្រ សូលីកា បច្ចុប្បន្នត្រូវបានគេដឹងថា នាងកំពុងសម្ពាយឈ្មោះជាស្ត្រីមេម៉ាយ បន្ទាប់ប្រកាសដំណឹងបែកបាក់ជាមួយអតីតស្វាមីអាណិកជនខ្មែរក្រៅស្រុក។ ថ្វីត្បិតយ៉ាងនេះ តែ សូលីកា បានខិតខំប្រឹងរកស៊ីដើម្បីចិញ្ចឹមកូនដ៏គួរឲ្យស្រលាញ់របស់ខ្លួនមិនខ្វល់អ្វីឡើយ។
ទោះបីជាជីវិតឯកជនរបស់តារាស្រី ពេជ្រ សូលីកា បានជួបឧបសគ្គជីវិតក្នុងការបែកបាក់ស្នេហាក្ដី តែទឹកមុខ និងស្នាមញញឹមរបស់នាងនៅតែមានទំនុកចិត្ត ហើយបន្តដើរទៅមុខជានិច្ច។ ប៉ុន្តែរឿងដែលចាប់អារម្មណ៍ថ្មីទៀតនោះ ស្រាប់តែ ពេជ្រ សូលីកា បានចេញមកព្រមានយ៉ាងចាស់ដៃទៅលើបុគ្គលណាដែលមានបំណងអាក្រក់ ឬគិតមិនល្អលើខ្លួននាងផ្ទាល់។
អ្នកនាង ពេជ្រ សូលីកា បានបន្លុយខ្លឹមសារទៅកាន់មហាជនថា ខ្ញុំតែងតែបត់បែនទៅតាមប្រភេទមនុស្ស បើមកល្អ ទៅវិញល្អ តែបើមកអាក្រក់ ទៅវិញក៏អាក្រក់ ហើយបើមិនប៉ះពាល់ខ្ញុំមុន ខ្ញុំក៏មិនប៉ះពាល់អ្នកមុនដូចគ្នា។ នាងបញ្ជាក់ថា មិនមែនសន្ដានអ្នកអញ្ចឹង សន្ដានខ្ញុំក៏អញ្ចឹងដូចអ្នកនោះទេ តែខ្ញុំមានតួនាទីការពារខ្លួនឯងដើម្បីទប់ទល់ប្រភេទមនុស្សដូចអ្នក។
ពេជ្រ សូលីកា បន្តទៀតថា រឿងខ្លះខ្ញុំអាចថយដើម្បីចុះចាញ់ពីទង្វើអាក្រក់របស់អ្នក ក៏ព្រោះតែចង់ឲ្យអ្នកបំពេញបំណងលើកមុខមាត់បង្ហាញពីភាពជោគជ័យ នៃសន្ដានអាក្រក់របស់អ្នក តែបើសិនវាជ្រុលហួសព្រំដែន ខ្ញុំអាចនឹងបកស្បែកអាក្រក់របស់អ្នកចេញភ្លាមៗក៏ថាបាន។ កុំប៉ះពាល់គេទាំងដែលគេមិនប៉ះពាល់អ្នក កុំបំផ្លាញកិត្តិយសគេដោយសារផលប្រយោជន៍មុខមាត់ខ្លួនឯង។
តាមការកត់សម្គាល់អ្នកមេម៉ាយរូបស្រស់ ពេជ្រ សូ លីកា មួយរយៈចុងក្រោយហាក់ជួបប្រទះនូវរឿងរ៉ាវស្មុគស្មាញ និងមិនសប្បាយចិត្តមួយចំនួន ពោលគឺចាប់តាំងពីមានដំណឹង នៃការបែកបាក់ស្វាមី។ រំលងបញ្ហាបែកបាក់ស្នេហានេះមិនបានប៉ុន្មាន កាលពីថ្មីៗកន្លងទៅ ពេជ្រ សូលីកា កើតមានរឿងរ៉ាវយល់ច្រឡំទំនាក់ទំនងជាមួយបេក្ខជន សុភិទិ ប៉ុន្តែត្រូវបានអ្នកទាំងពីរបកស្រាយថា ត្រឹមការរាប់អានគ្នាប៉ុណ្ណោះ៕
អត្ថបទ ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ