ជីវិតកម្សាន្ដ

វីដេអូស្រ្តីម្នាក់ ចាក់សាក់គ្រាប់ភ្នែក ធ្វើឲ្យគ្រប់គ្នាស្រៀវ ព្រឺឆ្អឹងខ្នង

បានផុស

៣ years មុន

នៅ

ថ្ងៃសៅរ៍ ២១ មករា ២០២៣

ដោយ

ស្ត្រីជនជាតិប្រេស៊ីលម្នាក់ បានធ្វើឲ្យអ្នកលេងអ៊ីនធឺណិត ចំហមាត់ធ្លុង បន្ទាប់ពីបានចែករំលែកវីដេអូ បង្ហាញពីរូបនាង ចាក់សាក់គ្រាប់ភ្នែក ប៉ុន្តែរឿងនេះបានបង្កឲ្យមានកំហឹងយ៉ាងខ្លាំងពីសំណាក់អ្នកទស្សនា ដោយព្រមានថា នាងអាចខ្វាក់ភ្នែក។

ក្នុងវីដេអូដែលមានការចូលមើលជាង ២.១ លានដង, Kiki Mary បានអួតអំពីរឿងមិនធម្មតារបស់នាង ហើយអ្នកខ្លះសឹងតែមិនហ៊ានមើលពេលដែលម្ជុលចាក់សាក់ ដាក់ចូលទៅជិតភ្នែករបស់នាង។

វីដេអូ បានបង្ហាញឲ្យឃើញអ្នកសាក់រូបម្នាក់ បានចាក់ទឹកថ្នាំខ្មៅចូលទៅក្នុងគ្រាប់ភ្នែករបស់នាង មុនពេលចាក់ទឹកចូល។ បន្ទាប់មក Kiki បើកភ្នែកឡើង ដើម្បីបង្ហាញរូបរាងថ្មីរបស់នាង ដែលភ្នែកពោរពេញទៅដោយទឹកថ្នាំពណ៌ខ្មៅ។

អ្នកទស្សនាមានការរន្ធត់ចិត្តជាខ្លាំងចំពោះវីដេអូនេះ ខណៈមនុស្សជាច្រើនបានចោទសួរថាហេតុអ្វីបានជា Kiki ប្រថុយនឹងរឿងធ្វើឲ្យពិការភ្នែកបែបនេះ។

អ្នកលេងអ៊ីនធឺណិតម្នាក់សួរថា “ហេតុអ្វីបានជាបំផ្លាញភ្នែកដ៏ស្រស់ស្អាតរបស់អ្នក?”។ ម្នាក់ទៀតនិយាយថា “នេះជាអ្វីដែលខ្ញុំមិនយល់ទាល់តែសោះ”។

យោងតាមសាលារោគភ្នែកបានឲ្យដឹងថា ការសាក់គ្រាប់ភ្នែកបែបនេះ មិនមែនជាទម្រង់ប្រពៃណីនៃការសាក់នោះទេ។ នេះមានន័យថា អ្នកដែលធ្វើបែបនេះ អាចប្រឈមនឹងគ្រោះថ្នាក់ខ្លាំងបំផុត។