មិនទាន់តែងតាំងជាទូតសុឆន្ទៈ តែ J-Hope ត្រូវគេប្រសិទ្ធនាមជាស្ដេចម៉ូដរបស់យីហោ LV

បន្ទាប់ពីត្រូវបានអញ្ជើញចូលរួមបង្ហាញម៉ូដឱ្យម៉ាកយីហោ Louis Vuitton ជាលើកដំបូងនៅក្នុងកម្មវិធី Paris Fashion Week ឆ្នាំ២០២៣ តារាចម្រៀង J-Hope សមាជិកក្រុម BTS ត្រូវគេប្រសិទ្ធមានជាស្ដេចម៉ូដរបស់ LV ។

ថ្វីត្បិតវាជាលើកដំបូងដែល J-Hope ដើរម៉ូដ ប៉ុន្តែនៅក្នុងកម្មវិធី Paris Fashion Week កាលពីថ្ងៃទី១៩ ខែមករា ឆ្នាំ២០២៣ តារាប្រុសរូបនេះបានបង្ហាញខ្លួនពោរពេញដោយទំនុកចិត្ត និងលេចធ្លោជាមួយនឹងសម្លៀកបំពាក់ដ៏ស៊ីវិល័យ ប្រៀបដូចជាតារាម៉ូដែលអាជីព។ ជាពិសេសក្រោយពេលលេចវត្តមានក្នុងកម្មវិធីអន្តរជាតិមួយនេះ J-Hope ត្រូវប្រព័ន្ធផ្សព្វផ្សាយនានា ក៏ដូចជាអតិថិជនរាប់លាននាក់របស់ម៉ាក LV ប្រសិទ្ធនាមឱ្យក្លាយជាអធិរាជម៉ូដសម្លៀកបំពាក់ទៀតផង។

ទោះបីបច្ចុប្បន្ន សមាជិក BTS រូបនេះ មិនទាន់តែងតាំងជាទូតសុឆន្ទៈរបស់ប្រេន LV ពិតមែន ប៉ុន្តែអ្នកគាំទ្រជឿជាក់ថា មិនយូរទៀតទេ J-Hope នឹងក្លាយជាអ្នកតំណាងរបស់លំដាប់ពិភពលោកមួយនេះមិនខាន៕

ប្រែសម្រួល៖ សន្យា

ចុចអាន៖ Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ