Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

ក្រុមហ៊ុនប្រេនលំដាប់ពិភពលោក Dior បានភាគហ៊ុនខ្ពស់បំផុតមិនធ្លាប់មាន បន្ទាប់ពីប្រកាសតែងតាំង Jimin ជាឯកអគ្គរដ្ឋទូតម៉ាកសកលរបស់ខ្លួនបានត្រឹមតែពីរថ្ងៃប៉ុណ្ណោះ។

កាលពីថ្ងៃទី១៦ ខែមករា ឆ្នាំ២០២៣ ម៉ាកយីហោម៉ូដ Christian Dior បានប្រកាសឯកអគ្គរដ្ឋទូតថ្មីរបស់ខ្លួននោះគឺ Jimin សមាជិកក្រុមសមាជិក BTS ។ ក្រោយក្លាយជាឯកអគ្គរដ្ឋទូតតំណាងប្រេនល្បីមួយនេះ Jimin បានក្លាយជាបុរសអាស៊ីដំបូងគេដែល បានតែងតាំងជាឯកអគ្គរដ្ឋទូតម៉ាកយីហោពិភពលោករបស់ Dior ដែលធ្វើឱ្យអ្នកគាំទ្រនាំគ្នាអបអរសាទរយ៉ាងព្រោងព្រាត ជាពិសេសតារាចម្រៀងវ័យ ២៧ឆ្នាំរូបនេះ បានធ្វើឱ្យភាគហ៊ុនរបស់ប្រេន Dior កើនឡើងភាគហ៊ុនដ៏ច្រើនលើសលុប។

យោងតាមទិន្នន័យពី investing.com យីហោ Dior សម្រេចបានភាគហ៊ុនខ្ពស់បំផុតក្នុងរយៈពេល ៣១ឆ្នាំ រាប់តាំងពីឆ្នាំ១៩៩២ មក។ តម្លៃភាគហ៊ុនបានកើនឡើងដល់ ៧៧៥.៥ អឺរ៉ូ (ប្រហែល ៨៣៩ដុល្លារ) នៅថ្ងៃប្រកាសតែងតាំង និងបានឡើងដល់ ៧៨៩អឺរ៉ូ (ប្រហែល ៨៥៣ដុល្លារ) គិតត្រឹមថ្ងៃទី១៨ ខែមករា ឆ្នាំ២០២៣៕

ប្រែសម្រួល៖ សន្យា

ចុចអាន៖ Jimin សមាជិកក្រុម BTS ក្លាយជាទូតសុឆន្ទៈសកល ឲ្យប្រេន Dior

ចុចអាន៖ ខួបកំណើត ២ថ្ងៃមុន Jennie ទទួលបានអំណោយពីមនុស្សពិសេសម្នាក់