ជីវិតកម្សាន្ដ

មិនខ្វល់ចចាមអារ៉ាមថាផិតក្បត់ភរិយា ស្វាមីហៃសូរបស់ Chompoo បង្ហោះរូបធ្វើមិនដឹង

បានផុស

១ ខែ មុន

នៅ

ថ្ងៃចន្ទ ៣០ មករា ២០២៣

ដោយ

បើទោះបីជាមានពាក្យចចាមអារ៉ាមថា អ្នកជំនួញប្រាក់លាន Knot Wisarut កំពុងលួចលាក់ក្បត់ចិត្តភរិយាពាសពេញបណ្ដាញសង្គមក្នុងប្រទេសថៃក្ដី តែយ៉ាងណា សេដ្ឋីរូបនេះហាក់មិនបានខ្វល់ចិត្តសូម្បីតែបន្តិចណាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅប៉ុន្មានម៉ោងមុននេះ លោក Knot Wisarut ចាប់ផ្ដើមមានសកម្មនៅលើបណ្ដាញសង្គម Instagram ដោយចេញមកបង្ហោះរូបថតកូនៗ រួមជាមួយនឹងខេបសិនថា “ជួបគ្នាថ្ងៃស្អែក ម៉ោង ១០ ព្រឹក!” ដែលក្នុងនោះអ្នកនិយមលេងអ៊ីនធឺណិតជាច្រើនកំពុងមានចម្ងល់យាងខ្លាំងថា តើស្វាមី Chompoo នឹងចេញមុខបកស្រាយអំពីរឿងនេះឬអត់? ប៉ុន្តែលោកមិនបានឆ្លើយតបនឹងអ្នកណាទាំងអស់។

យ៉ាងណាមិញនាពេលនេះ បណ្ដាញសង្គមថៃកំពុងតែផ្ទុះយ៉ាងគគ្រឹកគគ្រេង ខណៈមហាជនជាច្រើនបានលេចឮនូវពាក្យចចាមអារ៉ាមថា គូស្នេហ៍ Chompoo-Nut អាចនឹងមានជនទី៣ ក្រោយស្វាមីមានស្រីថ្មី។ ភ្លាមៗនោះដែរ អ្នកគាំទ្រការភ្ញាក់ផ្អើលជាខ្លាំងសឹងមិនចង់ជឿថា នេះជាពិតឬយ៉ាងណា? ព្រោះពួកគេជាគូស្នេហ៍មួយគូដែលមានគ្រួសារកក់ក្តៅខ្លាំង ហើយកូនៗក៏គួរឲ្យស្រលាញ់ដូចគ្នាផងដែរ។

ទោះយ៉ាងណា មកដល់ពេលនេះអ្នកគាំទ្រជាច្រើនបានបន់ស្រន់កុំឲ្យក្លាយជាប្ដីប្រពន្ធគូនេះ ដូចដែលចចាមអារ៉ាមថាស្វាមី Chompoo មានផ្ទះតូចមួយទុកសម្រាប់ជួបមនុស្សស្រីផ្សេង ក្រៅពីភរិយារបស់លោក។ ត្បិតថាហ្វេនរបស់ពួកគេកំពុងតែរង់ចាំការបំភ្លឺពីគូស្នេហ៍ហៃសូឲ្យកាន់តែច្បាស់ថែមទៀត៕