រូបមួយសន្លឹកបញ្ជាក់ថា សេដ្ឋី Nott ស្រលាញ់ Chompoo ខ្លាំងណាស់

រូបថតមួយសន្លឹកនៅលើ​បណ្ដាញ​សង្គម Instagram កំពុង​ក្លាយ​ជា​ប្រធានបទដែល​មហាជន​ជា​ច្រើន​ជជែក​គ្នា​ព្រាត​បន្ទាប់ពី​បាន​ឃើញ​គូស្នេហ៍ Nott- Chompoo ផ្អែមល្ហែម​គ្នា​ខ្លាំង ​ដូច​កាល​អ្នកទាំងពីរទើបស្រលាញ់​ដំបូង។

នៅ​លើ​បណ្ដាញ Instagram ឈ្មោះ polyplus បាន​បង្ហោះ​រូបថត​គូស្នេហ៍​ហៃសូ​ប្រចាំ​ប្រទេស​ថៃក្នុងកម្មវិធី 3zaap ដោយ​​ទម្លាយ​ពី​ក្រោយ​ឆាក​ការងារ​របស់​កំពូល​តារា​ស្រី​កូន​៣​ ដែល​មាន​ស្វាមី​ជាទី​ស្រឡាញ់​មក​ជួយ​មើល​ថែ​ក្នុងបន្ទប់ស្ទូឌីយោ។ ជាពិសេស​នោះគឺ​រូបភាព​ទាំងនោះ​ ត្រូវ​បាន​អ្នកគាំទ្រ​ជាច្រើន​លួច​សង្កេត​មើល​កែវភ្នែកដ៏​ផ្អែមល្ហែម​របស់ Nott ខណៈពេលកំពុង​សម្លឹង​មើល​មុខ Chompoo ហើយច្បាស់ណាស់​ថា អ្នក​ជំនួញ​ពាន់​លាន​រូបនេះ​ពិតជា​ស្រលាញ់​ប្រពន្ធ​ខ្លាំង​មិនធម្មតាឡើយ។

ជាការពិតណាស់ បន្ទាប់ពីរូបថតមួយសន្លឹកដ៏មានអត្ថន័យនេះត្រូវបានចែករំលែកពាសពេញបណ្ដាញសង្គម អ្នកគាំទ្រគូស្នេហ៍​ Chompoo បានចូលមក​បញ្ចេញ​មតិ និងសរសើរពីភាពផ្អែមល្ហែមរបស់អ្នកទាំងពីរ យ៉ាងច្រើន​លើសលប់។​ ជាងនេះទៅទៀត អ្នកខ្លះក៏បាននិយាយដូចៗគ្នាថា ព័ត៌មានក្នុងសង្គមអនឡាញមិនអាចធ្វើអ្វីលើអ្នកម្ដាយកូន៣រូបនេះបានឡើយ។ ស្នេហារបស់អ្នកទាំងពីរគឺជាគូស្នេហ៍រឹងមាំខ្លាំង និងស្រលាញ់គ្នាលើសអ្វីទៀត។ ដូច្នេះ ឈប់បង្កើតពាក្យចចាមអារ៉ាមផ្ដេសផ្ដាសលើពួកគេទៀតទៅ។

ទោះយ៉ាងណាកាលពីប៉ុន្មានសប្ដាហ៍មុន ស្វាមី​របស់​តារា​សម្ដែង Chompoo Araya ត្រូវ​បាន​មហាជន​ទូទាំង​ប្រទេស​កំពុង​ដាក់​ការ​សង្ស័យ​ថា ​លោក​បាន​លួចលាក់​ទិញ​ផ្ទះ​ឲ្យ​ស្រី​ស្នេហ៍ ​និង​ថែម​ទាំង​ជា​និស្សិតស្រស់ស្អាត។ លើស​ពី​នេះ​សេដ្ឋី​ថៃ​រូប​នេះ​ បាន​ជួល​អង្គរក្ស​ឲ្យ​ការពារ​ និងតាម​មើលថែ​នាង​យ៉ាងល្អ​​ទៀត​ផង។ បច្ចុប្បន្ននេះពាក្យចចាមអារ៉ាមទាំងនោះបានសាបរលាបចេញទៅ ក្រោយ Chompoo និងស្វាមីកាន់តែល្អូកល្អិនគ្នាដូចដើមវិញ៕

ប្រែសម្រួល៖ សាង ស្រីល័ក្ខ

ចុចអាន៖តារាស្រីថៃ ៧ រូប កើនអ្នកតាមដានលើ IG លើសពី ១០ លាននាក់ នាឆ្នាំនេះ

ចុចអាន៖Baifern បញ្ចេញស្ទាយថ្មី អបអរគណនី IG មានអ្នកតាមដាន ១២ លាននាក់