តារាស្រី សួង សាខារ៉ានីត មិនខ្វល់ការរិះគន់ក្រោយធ្លាយរឿងមានកូន

តួអង្គស្រីសម្តែងក្នុងភាពយន្តខ្នាតធំរឿន ” កូនក្រក” សួង សាខារ៉ានីត ក្រោយពេលបាត់មុខពីសិល្ប:មួយរយ: ថ្មីៗនេះស្រាប់តែមានដំណឹងថា មូលហេតុដែលនាងស្ងាត់ពីអាជីពសម្តែងនោះដោយសារតារាស្រីរូបនេះកំពុងបំពេញតួនាទីជាម្តាយមើលថែកូនប្រុសជាទីស្រលាញ់។

តារាសម្តែង សួង សាខារ៉ានីត បានប្រាប់កម្ពុជាថ្មីឲ្យដឹងថា ចំពោះរឿងមានកូននេះនាងមិនដែលបដិសេធ ឬមិនដែលក្លាចប្រាប់ឲ្យគេដឹងនោះទេ ខណ:កន្លងមកតែងមានគេប្រាប់ខ្លួនថា ហេតុអ្វីមិនលាក់រឿងមានកូនប្រយ័ត្នគ្មានអ្នកស្រលាញ់ ឬអាចធ្លាក់កូដសិល្ប:?។ ចំណុចនេះត្រូវបានស្រីស្រស់ សាខារ៉ានីត ឆ្លើយថា នាងមិនខ្វល់ទេចំពោះអ្នកដ៏ទៃតែសំខាន់ពេលនេះខ្លួនមានតួនាទីត្រូវមើលថែកូនឲ្យបានល្អ ព្រោះកាលពីមុនជីវិតនាងនៅម្នាក់ឯងធ្លាប់ឯការអាចរស់នៅបានយ៉ាងល្អ ។

សួង សាខារ៉ានីត និយាយទៀតថា ចុះទំម្រាំពេលនេះមានម្ចាស់ជីវិត ម្ចាស់បេះដូង ថ្លើមប្រមាត់ម្នាក់នេះទៀត គឺជីវិតកាន់​តែមានសេចក្តីសុខខ្លាំង ទោះបីរើសចំមនុស្សមិនសមប្រកបគេទុកចោលដូចកណ្ដាលមហាសមុទ្យក៏ដោយក៏នៅមានកំលាំង​ចិត្តបុិនមហាមេឃឯណ្ណោះ។ នាងថា “ឃើញខ្ញុំរៀបរាប់រឿងជីវិតរបស់ខ្ញុំដាក់ក្នុងប្រព័ន្ធហ្វេសប៊ុកសូមកុំគិតអាក្រក់​ឬពេបជ្រាយខ្ញុំអី ចង់ប្រាប់ថាខ្ញុំមិនដែលខ្វល់ទេ ព្រោះខ្ញុំនៅតែជាខ្ញុំហើយបំណងរបស់ខ្ញុំគឺចង់ឲ្យបងប្អូនស្រីៗរឹងមាំ​ ទោះ​រើសគូជីវិតខុសក៏ដោយ”។

តារាស្រី សួង សាខារ៉ានីត រម្លឹកបន្ថែមដែរថា ទោះជាយ៉ាងយើងត្រូវខំធ្វើការរកលុយ និងត្រូវតែដើរទៅមុខទៀតកុំចុះចាញ់ គឺអ៊ីចឹងទេ ហើយក៏ចង់បញ្ជាក់ថា ខ្ញុំមិនល្អគ្រប់ដប់ទេខ្ញុំក៏ធ្លាប់ដើរផ្លូវខុសដែរគ្រាន់តែធ្លាប់ខុសហើយចេះកែ គឺវាល្អប្រសើរមកវិញហើយម្យ៉ាងទៀតត្រូវស្រលាញ់ខ្លួនឯងអោយច្រើនៗទើបជីវិតមានសេចក្តីសុខផ្លូវចិត្ត៕

អត្ថបទ៖ ចាន់រ៉ា