តារាសម្តែង សួង សាខារ៉ានីត ចង់ឃើញការដាក់ភ្លើងបំភ្លឺផ្លូវជាតិឆ្លងខេត្តដើម្បីកាត់បន្ថយគ្រោះថ្នាក់

ក្នុងនាមជាប្រជាពលរដ្ឋ និងតារាសម្តែងស្រីស្អាត សួង សាខារ៉ានីត បានចេញមកបង្ហាញពីគោលបំណងដោយស្នើសុំឱ្យមានការដាក់ភ្លើងបំភ្លឺផ្លូវជាតិ ឆ្លងពីខេត្តមួយទៅខេត្ត ដើម្បីជាការកាត់បន្ថយគ្រោះថ្នាក់គ្រោះចរាចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេកត់សម្គាល់ថាសព្វថ្ងៃនេះគឺបញ្ហាគ្រោះថ្នាក់ចរាចរណ៍នៅបន្តកើតមានជាបន្តបន្ទាប់ ខណ:ការបើកបរមួយចំនួនហាក់នៅមានការធ្វេសប្រហែស និងមិនចូលរួមគោរពច្បាប់ចរាចរណ៍ ទាំងអ្នកធ្វើដំណើរតាមម៉ូតូនិងងរថយន្ត។ បញ្ហាគ្រោះថ្នាក់ចរាចរណ៍ខ្លះគ្រាន់តែរងការខូចខាតឬរងរបួស ដោយឡែកមួយចំនួនទៀត គឺជីវិតត្រូវបានផ្លាស់ប្តូរទាំងស្រុងមានអ្នកខ្លះបាត់បង់សមាជិកគ្រួសារដ៏សំខាន់។ រីឯអ្នកខ្លះបាត់បង់មនុស្សជាទីស្រលាញ់ ឬត្រូវពិការជាដើម។

ងាកមកចាប់អារម្មណ៍តារាសម្តែង សួង សាខារ៉ានី បានលើកឡើង ដោយនាងចង់ឃើញការដាក់ភ្លើងបំភ្លឺតាមផ្លូវជាតិទៅតាមបណ្តាខេត្ត។ សាខារ៉ានីត បាននិយាយថា “បញ្ហារឿងភ្លើងបំភ្លឺផ្លូវជាតិឆ្លងពីខេត្តមួយទៅខេត្តមួយគួរតែមានចំណាត់កាដាក់ហើយ ព្រោះងងឹតនិងគ្រោះថ្នាក់ស្លាប់កាន់តែច្រើនទៅៗហើយ សូមមេត្តាជួយៗផង”។

គួររម្លឹកថា តារាសម្តែងតរូបស្រស់ សួង សាខារ៉ានីត កាលពីថ្មីៗកន្លងទៅនាងក៏បានចេញមុខអំពាវនាវដល់អ្នកបើកបររថយន្តដែលធ្វើដំណើតាមដងផ្លូវឲ្យមានការប្រុងប្រយ័ត្ន ពិសេសអ្នកបើកបររថយន្ត(ឡាន) កុំបើកលឿនពេកក្រែងបង្កគ្រោះថ្នាក់ដល់អ្នកដទៃ។ នាងបញ្ជាក់ថា ពេលបើកបរលឿនមិនត្រឹមបង្កជាគ្រោះថ្នាក់នោះទេគឺវា ក៏ជាឥទ្ធិពលមួយមិនល្អសម្រាប់អ្នកធ្វើដំណើរជាមួយគ្នាផងដែរ៕ អត្ថបទ៖ ចាន់រ៉ា