ជីវិតកម្សាន្ដ

តារា ថៃ ស្រករក្រោយ ៥ ដួង កំពុងសាងកេរ្តិ៍ឈ្មោះទាំងក្នុងនិងក្រៅប្រទេសនាពេលនេះ

បានផុស

៣ years មុន

នៅ

ថ្ងៃពុធ ១៥ កុម្ភៈ ២០២៣

ដោយ

នៅប្រទេសថៃមិនខ្វះឡើយតារាប្រុសស្រីដែលមានសម្រស់ស្អាត និងបង្កើតភាពទាក់ទាញខ្លាំងដល់អ្នកគាំទ្រ ខណៈសម្រាប់តារាស្រករក្រោយ ៥ ដួងខាងក្រោមនេះ ទើបតែងប្រឡូកក្នុងវិស័យសិល្បៈមិនទាន់ពេញទីនោះទេ ប៉ុន្តែបែរទទួលបានការគាំទ្រច្រើនសន្ធឹក ដោយសារតែភាពស្រស់ស្អាត និងការសម្ដែងដ៏ល្អរបស់ពួកគេ។ ជាពិសេសនោះគឺទេពកោសល្យរបស់ម្នាក់ៗ ពោលគឺមានសមត្ថភាពខ្លាំងមិនធម្មតាឡើយ។

ខាងក្រោមនេះគឺជាតារាស្រីៗជំនាន់ក្រោយ ដែលកំពុងសម្ដែងជាតួឯកសឹងគ្រប់រឿងភាគ ហើយក៏កំពុងតែមមាញឹកខ្លាំងក្នុងអាជីបផងដែរ។

១ Namfah Thunyaphat

តារាស្រីវ័យក្មេងម្នាក់ដែលមានប្រជាប្រិយភាពក្នុងវិស័យកម្សាន្តថៃ Namfah Thunyaphat មានការងារមមាញឹកខ្លាំងណាស់ក្នុងឆ្នាំនេះ។ នាងនឹងមានរឿងភាគចំនួន ៤ ដែលនឹងចូលរួមក្នុងពេលខាងមុខនេះរួមមាន “Nampueng Kom”, “Interlocking Heart on Chao Phraya”, “Rak Thum Thung”, និង “Ubat Rak Koh Sawan”។ នាងទទួលបានភាពល្បីឡាញ និងក្លាយជាតួឯកស្រីក្នុងរឿង “ចុងភៅក្លែងកាយ” ដែលទើបបញ្ចប់កាលពីឆ្នាំទៅ។

២ Pinkploy Paparwadee

តារាសម្ដែងស្រី Pinkploy Paparwadee ទទួលបានភាពល្បីល្បាញជាមួយនឹងរឿង “Samee Chua Keun” ដែលនាងបានសម្តែងជាមួយតារាប្រុស Euro Yotsawat ។ បច្ចុប្បន្ននាងកំពុងមមាញឹកក្នុងការថតរឿងថ្មីចំនួន ២ដូចជា “Phaen Luang Buang Maya” ជាមួយ Thanwa Suriyajak និង “Muang Kaew” ជាមួយ Kem Hussawee ។

៣ Fern Nopjira

Fern Nopjira ទទួលបានការចាប់អារម្មណ៍អ្នកទស្សនាលើរឿងភាគដ៏ល្បី “Huajai Sila”។ កាលពីឆ្នាំមុន នាងទទួលបានការស្រលាញ់ពីអ្នកគាំទ្រជាខ្លាំង ជាមួយនឹងការសម្ដែងរបស់នាងក្នុងរឿង “The Love Proposal”។គម្រោងបន្ទាប់របស់នាងគឺ “Ton Rai Plai Rak” ដែលនាងសម្តែងជាមួយកំពូលតារាសម្តែង Pong Nawat។

៤ Freen Sarocha និង Becky Armstrong

Becky Armstrong បានបង្ហាញខ្លួនជាតួសម្តែងនៅឆ្នាំ ២០២០ ខណៈពេលដែលរឿងភាគដំបូងរបស់ Freen Sarocha បានចាក់ផ្សាយនៅឆ្នាំ ២០២១។ អ្នកទាំងពីរទទួលបានភាពល្បីល្បាញនៅក្នុងរឿង “GAP The Series” ពួកគេទាំងពីរបានក្លាយជាតារាសម្តែងដែលកំពុងពេញនិយមនៅក្នុងវិស័យកម្សាន្តថៃ។ បច្ចុប្បន្ននេះ Freen Sarocha មានអ្នកតាមដាន ១.២លាននាក់នៅលើ Instagram ខណៈ Becky Armstrong ទទួលបានអ្នកតាមដាន ១.១ លាននាក់នៅលើបណ្ដាញសង្គមដ៏ល្បីល្បាញនេះ៕

ប្រែសម្រួល៖ សាង ស្រីល័ក្ខ

ចុចអាន៖ម្សិលមិញ Min បង្ហាញខ្លួនមិត្តប្រុសផ្លូវការ តែនៅតែជាអាថ៌កំបាំង

ចុចអាន៖ម្ដាយ Chompoo រម្លឹកប្រវត្តិស្នេហ៍ផ្អែមល្ហែម ក្រោយឃើញកូនស្រីមានពាក្យចចាមអារ៉ាមឥតឈប់