ជីវិតកម្សាន្ដ

ម្ដាយ Chompoo រម្លឹកប្រវត្តិស្នេហ៍ផ្អែមល្ហែម ក្រោយឃើញកូនស្រីមានពាក្យចចាមអារ៉ាមឥតឈប់

បានផុស

៣ years មុន

នៅ

ថ្ងៃអង្គារ ១៤ កុម្ភៈ ២០២៣

ដោយ

លោកយាយ Ning ដែលជាម្ដាយបង្កើតរបស់តារាស្រី Chompoo Araya បានឆ្លើយសំណួរអំពីប្រវត្តិស្នេហាគាត់និងលោកតា James ជាស្វាមី បន្ទាប់ពីកូនស្រីរបស់គាត់កំពុងមានរឿងរ៉ាវពាក់ព័ន្ធនឹងជនទី៣ឥតឈប់លើបណ្ដាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លេចមុខក្នុងកម្មវិធី Krua Yai Ning អ្នកម្តាយដ៏ស្រស់ស្អាត របស់តារាសម្ដែងជួរមុខ Chompoo Araya សព្វថ្ងៃលោកយាយគឺជា YouTube មួយរូបដែលចូលចិត្តធ្វើម្ហូប ហើយមុខម្ហូបនីមួយៗដែលលោកយាយ Ning ធ្វើ ចៅៗទាំងពីរប្រាប់ថាឆ្ងាញ់ទាំងអស់ ទើបអ្នកគាំទ្រតែងតែសួររកមុខម្ហូបនិងតាមដានពីជីវិតលោកយាយកាន់តែច្រើនឡើងៗ។ យ៉ាងណាមិញ ក្នុងនោះលោកយាយបានធ្វើមុខម្ហូបនិងបង្អែមដែលលោកយាយបាននិយាយថា លោកតា James ជាឪពុករបស់ Chompoo ចូលចិត្តណាស់ ខណៈលោកយាយក៏បានត្រៀមខ្លួនឆ្លើយសំណួរពីផ្លូវស្នេហាគាត់និងស្វាមីជួបគ្នាដោយរបៀបណា។

អ្នកម្ដាយរបស់ Chompoo បាននិយាយដោយស្នាមញញឹមថា គាត់បានជួបលោកតា James នៅមជ្ឈមណ្ឌលអន្តោប្រវេសន៍ Ubon នៅពេលនោះគឺមានសង្រ្គាមឥណ្ឌូចិន។ ពេលនោះលោកយាយធ្វើអន្តោប្រវេសន៍ពីប្រទេសឡាវ ខណៈលោកតា James ជាមន្ត្រីកងទ័ពជើងទឹក ក្នុងនាមជាគ្រូពេទ្យ។ តាមពិតអ្នកទាំងពីរមិនបានចែចង់គ្នាទេ គ្រាន់តែនិយាយ និងបានជួបពីរបីដងប៉ុណ្ណោះ! ជីវិតនៅក្នុងមជ្ឈមណ្ឌលអន្តោប្រវេសន៍គឺពិបាកណាស់ លោកយាយកើតនៅប្រទេសថៃ ប៉ុន្តែធំឡើងនៅប្រទេសឡាវ។ ពេលនោះយាយបានចេញមករកការងារជួយគ្រួសារ។ បន្ទាប់មកបានជួបលោកតា James ម្តងទៀតនៅទីក្រុងបាងកក។ ការអាណិតអាសូរប្រែទៅជាស្នេហាចាប់ពីពេលនោះមក។

លោកយាយ Ning បាននិយាយទៀតថា ផ្លូវនៃស្នេហានេះបានប៉ះបេះដូងគាត់ ហើយមកដល់សព្វថ្ងៃនេះ លោកតា James មិនមែននៅទីនេះទេ ប៉ុន្តែលោកតាគឺនៅក្នុងចិត្តលោកយាយ Ning ជានិច្ច។ លើសពីនេះ លោកយាយ ក៏បានប្រាប់ដែរថា គាត់បានរៀបការកាលពីអាយុ ២៥-២៦ ឆ្នាំ មានកូនអាយុ ២៧ ឆ្នាំ តាមពិតគាត់មានបំណងចង់មានកូនពីរនាក់ ប៉ុន្តែបែរជាមាន Chompoo Araya តែម្នាក់គត់ទៅវិញ។

ក្រោយមហាជនជាច្រើនបានទស្សនារឿងដែលលោកយាយរៀបរាប់ហើយ ម្នាក់ៗថែមទាំងសរសើរលោកយាយថាគួរឲ្យស្រលាញ់ទៀតផង ស្របពេលដែលអ្នកគាំទ្រខ្លះបាននិយាយថា Chompoo Araya ទទួលបានឥរិយាបទ គំនិតល្អៗនិងទេពកោសល្យពិសេសគឺមកពីលោកយាយ Ning សឹងទាំងអស់៕