មានពាក្យចចាមអារ៉ាមថា Kendall Jenner កំពុងណាត់ជួបតារារ៉េប Bad Bunny

តារាបង្ហាញម៉ូដ Kendall Jenner និងតារាចម្រៀង Bad Bunny ត្រូវបានគេប្រទះឃើញរួមគ្នានៅភោជនីយដ្ឋានមួយក្នុងក្នុងទីក្រុង Los Angeles ចំពេលអ្នកទាំងពីរមានពាក្យចចាមអារ៉ាមថាមានស្នេហាជាមួយគ្នា ។

យោងទៅតាមប្រភព People’s បានឱ្យដឹងថាតារាបង្ហាញម៉ូដ Kendall Jenner និងតារារ៉េប Bad Bunny កំពុងចាប់ផ្តើមទំនាក់ទំនងគ្នាដោយអ្នកទាំងពីរតែងតែចំណាយពេលជាមួយគ្នា ដោយកាលពីចុងសប្តាហ៍នេះ គូស្នេហ៍មួយគូនេះក៏ត្រូវបានគេឃើញចាកចេញពីភោជនីយដ្ឋានមួយក្នុងទីក្រុង Los Angeles ជាមួយគ្នា។ យោងតាមរូបភាពទាំងនេះ វាមើលទៅដូចជាអ្នកទាំងពីរកំពុងដើរលេងជាមួយ Justin Bieber និងប្រពន្ធ។

ជាមួយគ្នាមានប្រភពមួយបានចែករំលែកថា “Kendall បានរីករាយដើរលេងជាមួយ Bad Bunny ថ្មីៗនេះ។ អ្នកទាំងពីរបានជួបគ្នាតាមរយៈមិត្តភក្តិទៅវិញទៅមក។ Bad Bunny ទើបតែបានផ្លាស់ទៅរស់នៅ Los Angeles កាល ពីប៉ុន្មានសប្តាហ៍មុន ហើយអ្នកទាំងពីរបានជួបគ្នាជាញឹកញាប់” ។ ប្រភពនេះបានបន្ថែមទៀតតារាម៉ូដែលវ័យ ២៧ ឆ្នាំរូបនេះ ហាក់ដូចជារីករាយនឹងការចំណាយពេលជាមួយតារារ៉េប Bad Bunny ។

យ៉ាងណាមិញ មុនពេលណាត់ជួបតារារ៉េប Bad Bunny តារាម៉ូដ Kendall Jenner បានណាត់ជួបតារាបាល់បោះ Devin Booker មកដល់ខែវិច្ឆិកា ឆ្នាំ ២០២២ ប្រភពជាច្រើនបានបញ្ជាក់ថាគូស្នេហ៍មួយគូនេះបានបែកគ្នា ៕

ប្រែសម្រួល៖នាងតូច

ចុចអាន៖ភាពយន្ត ៣ ឈ្នះពានរង្វាន់ Oscars ច្រើនជាងគេក្នុងប្រវត្តិសាស្ត្រ