លេចមុខជាសាធារណៈម្ដងទៀត Pinky ជាអ្នក Live លក់ផលិតផលអនឡាញ

បន្ទាប់ពីត្រូវតុលាការអនុញ្ញាតសិទ្ធិនៅក្រៅឃុំជាបណ្ដោះអាសន្ន Pinky បានត្រឡប់ចូលបម្រើការងារក្នុងវិស័យសិល្បៈវិញ ដោយកាលពីខែមុននាងបង្ហាញមុខសម្ពោធរឿងភាគមួយ និងបានផ្ដល់បទសម្ភាសន៍អំពីស្ថានភាពជីវិតរបស់នាងអំឡុង និងក្រោយពេលជាប់ពន្ធនាគារ។

ដោយឡែក កាលពីថ្ងៃទី២១ ខែកុម្ភៈ ឆ្នាំ២០២៣ Pinky បានលេចមុខជាសាធារណៈម្ដងទៀត ដោយនាងមានវត្តមាន Live លក់អីវ៉ាន់អនឡាញ នៅលើផេកផ្ទាល់ខ្លួនរបស់នាង។ តាមរយៈវីដេអូ Live តារាស្រី Pinky គឺជាអ្នកផ្សព្វផ្សាយលក់អាហារបំប៉នជំនួយដំណេក និងការសម្រាក ខណៈកំពុង Live មានទស្សនិកជនរាប់លានចូលទស្សនា។

ក្រៅពីចាប់អារម្មណ៍នឹងវត្តមានរបស់ Pinky នៅលើបណ្ដាញសង្គម អ្នកទស្សនាមានការចាប់អារម្មណ៍ផងដែរពីផលិតផលដែលនាងផ្សាយលក់ ព្រោះគ្រប់គ្នាកំពុងស្មានថានាងទំនងជាមានបញ្ហាគេង ក្រោយជួបព្យុះភ្លៀងជីវិត ទើបនាងហ៊ានយកផលិតផលនេះមកលក់អ៊ីចឹង។

ទោះបីជាមានចម្ងល់បែបនេះក្ដី ចំពោះសាមីខ្លួនមិនបានឆ្លើយតបទៅនឹងចម្ងល់របស់ទស្សនិកជនឡើយ ខណៈអ្នកគាំទ្រកំពុងចាំស្ដាប់ចម្លើយរបស់នាងគ្រប់គ្នា៕

ប្រែសម្រួល៖ សន្យា

ចុចអាន៖ ម្ដាយ Nadech បង្ហាញវីឡាថ្មី ដែលកូនប្រុសត្រៀមរស់នៅជាមួយ Yaya ក្រោយរៀបការ

ចុចអាន៖ មិត្តជិតស្និទ្ធ ទម្លាយថា Pinky ប្ដូរចរិតសឹងទាំងស្រុង ក្រោយចេញពីមន្ទីរឃុំឃាំង