Selena ទម្លាក់ Kylie ក្លាយជាតារាស្រីមានអ្នកតាមដាន IG ច្រើនជាងគេលើលោក

តារាចម្រៀងអាមេរិកាំង Selena Gomez ក្លាយជាតារាស្រីដំបូងបំផុតមានអ្នកតាមដាន Instagram ច្រើនជាងគេលើលោក វ៉ាដាច់តារាបង្ហាញម៉ូដ Kylie Jenner ដែលធ្លាប់គ្រងតំណែងនេះអស់រយៈពេល ៣ឆ្នាំជាប់ៗគ្នា។

នៅដើមឆ្នាំ២០២៣នេះ តារាស្រី Selena Gomez កើនអ្នកតាមដានច្រើនបំផុតនៅលើ Instagram រហូតដល់ ៣៨២លាននាក់ ខណៈ Kylie Jenner មានអ្នកតាមដានចំនួន ៣៨០លាននាក់។

តាមពិតតំណែងជាតារាស្រីមានអ្នកតាមដានច្រើនជាងគេលើ Instagram ម្ចាស់បទ “Same Old Love” ធ្លាប់គ្រងម្ដងមកហើយ ប៉ុន្តែតំណែងនេះត្រូវធ្លាក់ទៅវិញ ក្រោយពេល Selena សម្ងំព្យាបាលជំងឺ ហើយនាងបានផ្អាកសកម្មភាពនៅលើបណ្ដាញសង្គមអស់ពេលជិត ៤ឆ្នាំ។ នាងទើបត្រឡប់មកវិញ កាលពីឆ្នាំមុននេះឯង។

ក្រោយវិលមកវិញមិនបានប៉ុន្មាន Selena ក៏ឆក់បានតំណែងចាស់ ហើយបានក្លាយជាតារាស្រីលំដាប់ពិភពលោក និងជាបុគ្គលដ៏មានឥទ្ធិពលបំផុតក្នុង​វិស័យកម្សាន្តជាសាកល៕

ប្រែសម្រួល៖ សន្យា

ចុចអាន៖ ត្រឡប់ក្រោយមើលពីប្រវត្តិ Selena Gomez មុនឆ្នាំ ២០២០

ចុចអាន៖ Selena Gomez លើកទឹកចិត្តអ្នកប្រឈមជំងឺផ្លូវចិត្ត តាមរយៈសាច់រឿងពិតរបស់ខ្លួន