គ្រាន់តែមានស្នេហាសោះ អ្នកបញ្ចូលសំឡេងតុក្កតាបិសាច Nezuko បាត់បង់ប្រជាប្រិយភាពភ្លាម

អ្នកបញ្ចូលសំឡេងតុក្កតាបិសាច Nezuko ក្នុងរឿងតុក្កតា Demon Slayer (អ្នកសម្លាប់បិសាច) ឈ្មោះ Akari Kitou កំពុងបាត់បង់ប្រជាប្រិយពេញទំហឹង បន្ទាប់ពីអ្នកគាំទ្រដឹងរឿងនាងមានស្នេហា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងទាំងអស់ចាប់ផ្ដើមកាលពីឆ្នាំ ២០២១ ដែលក្រុមហ៊ុនទស្សនាវដ្ដី Bunsun Online រៀបចំឲ្យ Akari និងអ្នកបញ្ចូលសំឡេងប្រុសឈ្មោះ Yuya Hozumi ជួបគ្នា ។ បន្ទាប់ពីកម្មវិធីនោះហើយ Akari ក៏រើមករស់នៅផ្ទះជាមួយ Yuya និងស្រលាញ់គ្នារហូតមកដល់បច្ចុប្បន្នជាសម្ងាត់ដើម្បីការពារអាជីពរបស់នាង ។

ក្រោយមកទំនាក់ទំនងនេះត្រូវបានអ្នកតាមដានលាតត្រដាង ប៉ុន្តែ Akari ព្យាយាមលាក់បាំងដោយបង្ហោះសារក្នុង Twitter ថាលោក Yuya គ្រាន់តែជាមិត្តជិតដិតប៉ុណ្ណោះ ។

នៅថ្ងៃទី០៨ ខែកុម្ភៈ ឆ្នាំ២០២៣ អ្នកបញ្ចូលសំឡេងស្រីរូបនេះបានចេញលក់បទចម្រៀងថ្មីក្រោមចំណងជើងថា “Dear Doze Days” ជាលទ្ធផលសន្ទុះការគាំទ្រគឺតិចខ្លាំងមែនទែន មិនដូចបទពីមុនៗរបស់នាងទេ ។ បើប្រៀបធៀបតួលេខបានបង្ហាញថា ក្នុងរយៈពេល ១ សប្ដាហ៍ បទចម្រៀង “ Kimi no Tonari de” លក់ចេញ ៦២០០ ច្បាប់ ចំណែកបទថ្មីលក់ចេញបានត្រឹមតែ ២១៤០ ច្បាប់ប៉ុណ្ណោះ ។

ទោះបីចម្រៀងនាងមិនសូវទទួលការគាំទ្រដូចមុន Akari នៅតែរក្សាដំណែងជាអ្នកបញ្ចូលសំឡេងឲ្យ Nezuko ដដែលនារដូវកាលថ្មីខាងមុខនេះ ៕

ប្រែសម្រួល ៖ វារី

ប្រភព ៖ animesenpai

ចុចអាន ៖ អ្នកបញ្ចូលសម្លេងតុក្កតា Disney ជាតារាល្បីៗទាំង ១០ រូបនេះសោះ

ចុចអាន ៖ រឿងរ៉ាវ ៥ យ៉ាង ពីគំនូរជីវចលជប៉ុន “ឈីងចាំង”