Connect with us

ជីវិតកម្សាន្ដ

តារា​ជប៉ុន​វ័យ ៥២ ​ឆ្នាំម្នាក់ សារភាពថា ​ធ្លាប់លក់​ខ្លួន​ឲ្យឥស្សរជន​មាន​ឥទ្ធិពល ដើម្បី​កេរ្តិ៍ឈ្មោះ

បានផុស

នៅ

Tokiwa Takako កើតនៅឆ្នាំ ១៩៧២ មកពីទីក្រុង Yokohama ប្រទេសជប៉ុន នាង​ជា​តារា​សម្តែង​លំដាប់​កំពូល​ក្នុង​ប្រទេស​ និង​អាស៊ី​ នា​ចុង​ទសវត្សរ៍​ឆ្នាំ ១៩៩០ ដល់​ឆ្នាំ ២០០០។​ ដោយសារតែភាពល្បីល្បាញតារាស្រីរូបនេះត្រូវគេហៅថាជាមហាក្សត្រីនៃរឿងភាគជប៉ុន។ នាង​ត្រូវ​បាន​ទស្សនិកជន​ស្រឡាញ់​ចូលចិត្ត​ចំពោះ​រូប​សម្រស់​ដ៏​ស្រទន់ សុភាព និង​ទេពកោសល្យ​សម្ដែង​គួររឲ្យចាប់​អារម្មណ៍។

ក្នុងអំឡុងពេលនោះ Tokiwa Takako គឺជាមុខមាត់ដែលធ្លាប់ស្គាល់មិនត្រឹមតែនៅលើអេក្រង់នៃ Rising Sun ប៉ុណ្ណោះទេ ប៉ុន្តែក៏មាននៅក្នុងទីក្រុងហុងកុង និងតៃវ៉ាន់ ផងដែរ។​ នាងត្រូវគេស្គាល់តាមរយៈការងារទូរទស្សន៍ និងភាពយន្តជាច្រើនដូចជា Tinh Nguyet Dong Thong (សម្តែងជាមួយ Truong Quoc Vinh, Michelle Yeoh), A Ho (សម្តែងជាមួយ Andy Lau), Akai Tsuki, Tamamoe!, Renai Hensachi, Long Love Letter, Beautiful Life។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងអំឡុងពេលអាជីពរបស់នាង Tokiwa Takako បានសម្តែងក្នុងរឿងភាគទូរទស្សន៍ប្រហែល ៣០ និងបានឈ្នះពានរង្វាន់ជាច្រើនសម្រាប់តារាសម្តែងទូរទស្សន៍ល្អបំផុតរបស់ប្រទេសជប៉ុន។ ក្នុងឆ្នាំ ២០០៩ នាងបានប្រកាសរៀបការជាមួយតារាសម្តែង Keishi Nagatsuka ។

ទោះជាយ៉ាងណាក៏ដោយ ខណៈពេលដែលកំពុងរៀបចំសម្រាប់ថ្ងៃដ៏សំខាន់បំផុតនៃជីវិត នាងបានជួបប្រទះរឿងអាស្រូវដ៏ធំបំផុតនៃអាជីព។ នាង​ត្រូវ​បាន​សារព័ត៌មាន​ជប៉ុន​ចោទ​ប្រកាន់​ពី​បទ​សូកប៉ាន់​ផ្លូវ​ភេទ និង​លក់​ខ្លួន​ដើម្បី​ទទួល​បាន​តួនាទីល្អបំផុត។

កាសែតប្រចាំសប្តាហ៍របស់ជប៉ុននៅពេលនោះ​ បានដកស្រង់សម្តីបុគ្គលិកស្ថានីយទូរទស្សន៍ដែលតែងតែសហការជាមួយតារាស្រីរូបនេះចោទប្រកាន់ថា បន្ទាប់ពីបញ្ចប់ការសិក្សានៅវិទ្យាល័យ Tokiwa បានចូលរួមសម្ភាសន៍ការងារនៅក្រុមហ៊ុនគ្រប់គ្រងបច្ចុប្បន្នរបស់នាង។ នាងចូលរួមយ៉ាងសាទរក្នុងពិធីជប់លៀងក្រឡុក ហើយត្រៀមខ្លួនបម្រើបុគ្គលល្បីៗបន្ទាប់ពីការសប្បាយ។ មនុស្ស​ជា​ច្រើន​ក្នុង​វិស័យ​កម្សាន្ត​ដឹង​ថា ​នាង​ស្ម័គ្រ​ចិត្ត​ដេក​ជាមួយ​មនុស្ស​ទាំង​នោះ​ជា​ថ្នូរ​នឹង​ឱកាស​ផ្សព្វផ្សាយ។

ក្រោយមក Tokiwa Takako បានសារភាពដោយត្រង់ថា នាងមានទំនាក់ទំនងស្នេហាមិនស្អាតស្អំជាមួយឥស្សរជនដ៏មានឥទ្ធិពលជាច្រើននៅក្នុងឧស្សាហកម្មកម្សាន្តជប៉ុន ដើម្បីផលប្រយោជន៍ផ្ទាល់ខ្លួនរបស់នាង។ យ៉ាង​ណា​មិញ នាងថែមទាំងបញ្ជាក់ទៀត​ថា នោះ​ជា​អតីតកាល ហើយ​ពេល​ក្រោយ​នាង​នឹង​ប្រឹងប្រែង​តាម​សមត្ថភាព​របស់​ខ្លួន

ទោះបីជាមានរឿងអាស្រូវក៏ដោយ Tokiwa Takako និង Keishi Nagatsuka មិនបានលុបចោលអាពាហ៍ពិពាហ៍របស់ពួកគេទេ។ ពួកគេនៅជាមួយគ្នារហូតមកដល់ពេលនេះ។ ការរៀបការមិនប៉ះពាល់ដល់ការងាររបស់ Tokiwa Takako ទេ នាងដើរតួយ៉ាងសកម្មក្នុងខ្សែភាពយន្ត និងចូលរួមក្នុងសកម្មភាពកម្សាន្តផ្សេងៗ។ នៅអាយុ ៥២ ឆ្នាំ នាងលែងរក្សាភាពស្រស់ស្អាតដែលនាងមាននៅកំពូលនៃអាជីពរបស់នាងទៀតហើយ ផ្ទុយទៅវិញ សញ្ញានៃអាយុគឺអាចមើលឃើញយ៉ាងច្បាស់នៅលើមុខរបស់នាង។ ក្នុងរូបភាពចុងក្រោយនេះ ទស្សនិកជនបានបញ្ចេញមតិថា ម៉ូតសក់របស់ Tokiwa កាន់តែខ្ពស់ឡើងៗ ដែលបង្ហាញពីការឡើងចុះៗជាច្រើនក្នុងជីវិត។ ​ ប៉ុន្តែ អ្នក​គាំទ្រ​សរសើរ​ស្រី​ស្អាត​រូប​នេះ​ថា​ ចាស់​តែនាងនៅតែស្អាតដដែល៕

អត្ថបទ៖ សាង ស្រីល័ក្ខ

ចុចអាន៖អធិរាជ ជប៉ុន បង្ហោះរូបភាពលើអ៊ីនធឺណិតលើកដំបូង ផ្ទុះការទាក់ចិត្តពីប្រជានុរាស្ត្រក្មេងៗ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម