ប្រកួតឆ្នាំដំបូង រតនា សុខាវត្តី ឈ្នះមកុដ Miss Eco International 2023C លំដាប់រងទី៣

អ្នកស្នេហានិយមតាមដានវិស័យដើរម៉ូដកម្ពុជា ព្រមទាំងអ្នកគាំទ្របានសម្តែងក្តីរំភើប និងចូលរួមអបអរចំពោះបវរកញ្ញាតំណាងកម្ពុជាចេញទៅប្រកួតលើឆាកអន្តរជាតិគឺ កញ្ញា រតនា សុខាវត្តី ដែលអាចទទួលបានជ័យលាភីលំដាប់រងទី៣ នៃកម្មវិធី Miss Eco International 2023។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងវគ្គផ្ដាច់ព្រ័ត្រ នៃការប្រកួចសម្រស់កញ្ញាឯក Miss Eco International 2023 ដែលបានរៀបចំឡើងនៅប្រទេសអេហ្ស៊ិប កាលពីរាត្រីថ្ងៃទី៣ ខែមីនា ឆ្នាំ២០២៣ បានបញ្ចប់ទៅយ៉ាងរលូនដោយបានរកឃើញម្ចាស់ជ័យលាភីគ្រងមកុដប្រចាំឆ្នាំបានទៅលើបវរកញ្ញាមកពីប្រទេសវៀតណាម។

ចំំណែកបវរកញ្ញាតំណាងកម្ពុជា កញ្ញា រតនា សុខាវត្តី បានធ្វើឱ្យទស្សនិកជនមានមោទកភាពសម្រាប់បវរកញ្ញាកម្ពុជារូបនេះដែលសាងបានភាពលេចធ្លោជាថ្មីនៅលើឆាកអន្តរជាតិដែលអាចឈ្នះមកុដលំដាប់រងទី៣ សម្រាប់ការចេញទៅប្រកួតឆ្នាំដំបូង។

បវរកញ្ញា រតនា សុខាវត្តី បានថ្លែងពីចំណាប់អារម្មណ៍របស់ខ្លួនទៅកាន់អ្នកគាំទ្រថា៖ “ទីបំផុតការខិតខំរបស់ខ្ញុំបានទទួលជោគជ័យហើយ ឆ្នាំដំបូងនៅក្នុងកម្មវិធី Miss Eco International ហើយខ្ញុំអាចដណ្តើមបានជ័យលាភី 3rd Runner Up Miss Eco International 2023 មកជូនបងប្អូន និងប្រទេសកម្ពុជាយើងហើយ”។

កញ្ញា រតនា សុខាវត្តី បានថ្លែងអរគុណបងប្អូនកម្ពុជាចំពោះការគាំទ្រកន្លងមក ដោយពេលនេះកញ្ញាអាចធ្វើបាន និងបង្ហាញឱ្យពិភពលោកឃើញថា បវរកញ្ញាកម្ពុជាខ្លាំង៕

អត្ថបទ៖ ចាន់រ៉ា