ជីវិតកម្សាន្ដ

Yaya Urassaya បង្ហាញឈុតប្លែកភ្នែកនៅ បារាំង

បានផុស

១ year មុន

នៅ

ថ្ងៃអង្គារ ៧ មីនា ២០២៣

ដោយ

Yaya Urasaya បានបង្កើតចំណាប់អារម្មណ៍ដល់មហាជន បន្ទាប់ពីនាងបង្ហាញវត្តមានក្នុងកម្មវិធីបង្ហាញម៉ូដ Louis Vuitton Womenswear Fall Winter 2023-2024 នៅ Paris Fashion Week ដែលធ្វើឡើងនៅសារមន្ទីរ Orsay កាលពីថ្ងៃទី ០៦ ខែមីនា កន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញអ្វីដែលធ្វើឲ្យអ្នកគាំទ្រប្លែកភ្នែក នោះគឺឈុតអាវកាក់ពណ៌សដែលមានក្រណាត់រុំដ៏ក្រាស់លើដងខ្លួន ខណៈខ្សែរ៉ូតដ៏ធំមួយត្រូវបានដេរបំពាក់បិទបាំងដើមទ្រូង រួមជាមួយនឹងនឹងស្បែកជើងកវែងពណ៌ខ្មៅ ព្រមទាំងបន្ថែមកាបូបតូចមួយពីយីហោបារាំង Louis Vuitton ទៀតផង។ ហើយឈុតដ៏ល្អឯកគ្មានពីរនេះ បង្កើតដោយអ្នកច្នៃម៉ូដជនជាតិបារាំង-បែលហ្ស៊ិក Nicolas Ghesquière គឺជានាយកច្នៃប្រឌិតរបស់ Louis Vuitton សម្រាប់តារាសម្ដែងជនជាតិថៃរូបនេះ។

ជាមួយគ្នានេះដែរ អ្នកគាំទ្របស់ Yaya Urasaya បានសម្រុកចូលទៅបញ្ចេញមតិខុសគ្នា ត្បិតថាប្លែកភ្នែកទស្សនិកជនក៏ពិតមែន តែប្រសិនបើមនុស្សធម្មតាស្លៀកឈុតនេះពិតជាល្បីដល់សារព័ត៌មានមិនខាន។ ប៉ុន្តែបើ Yaya ស្លៀក ប្រាដកណាស់គ្មានហ្វេនមួយណាដែលមិនសរសើរសម្រស់របសនាងថាស្រស់ស្អាតនិងប្លែកភ្នែកខ្លាំងនោះទេ។ដូច្នេះមិនចម្លែកទេ ដែលតារាជួរមុខដូចជា Yaya ស្លៀកបង្ហាញឲ្យប្រេនលំដាប់ពិភពលោកមួយនេះ៕

សូមទស្សនារូបភាពប្លែកភ្នែករបស់តារាស្រី YaYa ខាងក្រោម៖