ស្នាមក្រោមភ្នែក ដែល Jennie ព្យាមយាមបិទបាំងដោយប្រើបង់ កាលរងរបួសកំលុងពេលប្រគំតន្រ្តីនៅប្រទេសម៉ាឡេស៊ី ពេលនេះក្លាយជានិន្នាការកំពុងពេញនិយមនៅលើបណ្ដាញ TikTok នាំគ្នាផាត់មុខតាមយ៉ាងច្រើនកុះករ។

កាលពីល្ងាចថ្ងៃទី៤ ខែមីនា សមាជិក Jennie នៃក្រុម BLACKPINK បានបង្ហាញខ្លួនលើឆាកក្នុងការប្រគំតន្ត្រី Born Pink ក្នុងទីក្រុង កូឡាឡាំពួរ ប្រទេសម៉ាឡេស៊ី ជាមួយរបួសជិតភ្នែកដែលនាងបានរអិល និងដួលពេលកំពុងហាត់ប្រាណ ហើយនៅថ្ងៃទី៨ ខែមីនា នាងបានបន្តដំណើរទៅបាំរាំង ដើម្បីបង្ហាញខ្លួនក្នុងកម្មវិធីម៉ូដ Paris Fashion Week ដោយភ្ជាប់ជាមួយនូវបង់បិទរបួសក្រោមភ្នែក។

ក្រោយពេល Jennie បង្ហាញវត្តមានជាមួយនឹងស្ទីលផាត់មុខ ដោយមានបិទបង់ក្រោមភ្នែក គេមិបានចាត់ទុកវាជាស្នាមរបួសនោះទេ តែគេយល់ថា វាជាស្ទីផាត់មុខថ្មីមួយបែបរបស់នាង ខណៈអ្នកលេង TikTok ដែលនិយមបង្កើតវីដេអូ Make up ឯណោះវិញនាំគ្នាផាត់មុខតាមយ៉ាងព្រោងព្រាត រហូតសាយភាយពាសពេញអ៊ីនធឺរណិតតែម្ដង សូម្បីតែអ្នកផាត់មុខលំដាប់ពិភពលោកមួយចំនួនក៏បញ្ចេញវីដេអូបិទបង់តាម ​Jennie នៅលើបណ្ដាញ Instagram របស់ខ្លួនដែរ។

ដោយឡែកចំពោះអ្នកគាំទ្រផ្សេងទៀត បានបង្ហាញចំណាប់អារម្មណ៍ភ្ញាក់ផ្អើលផងដែរ បន្ទាប់ពីឃើញអ្នកនិយមលេងអ៊ីនធឺរណិតនាំគ្នាផាត់មុខបែបនេះ ស្របពេលដែលអ្នកខ្លះនិយាយថា ស្ទីលនេះជាស្ទីលថ្មីគួរឱ្យចាប់អារម្មណ៍៕

ប្រែសម្រួល៖ សន្យា

ចុចអាន៖ Jennie លេងស្ទីលតុបតែងមុខនឹងបង់បិទរបួស ទាក់ទាញខ្លាំងនៅកម្មវិធី Paris Fashion Week

ចុចអាន៖ អ្នកលេងអ៊ីនធឺរណិត​នាំគ្នាជីកកាយរូបភាព និងអត្ថន័យស្នាមសាក់របស់ Lisa