គ្រាន់តែដឹងថា Baifern ត្រឡប់ពីជប៉ុនវិញ Naphat សុខចិត្តទៅចាំមុនរាប់ម៉ោង នៅព្រលានយន្តហោះ

នេះបានចំជាស្រឡាញ់គ្នាបាត់មុខមិនបានពិតមែន តារាសម្ដែង Naphat ទប់ចិត្តនឹក Baifern លែងជាប់ រហូតទៅអង្គុយចាំមិត្តស្រីហោះពីប្រទេសជប៉ុនវិញ នៅ​អាកាសយានដ្ឋាន​សុវណ្ណភូមិ ទាំងយន្តហោះមិនទាន់ចុះចត។

បន្ទាប់ពី Baifern ហោះហើរទៅជប៉ុនអស់រយៈពេលប៉ុន្មានថ្ងៃ ខណៈ​ Naphat មិនបានធ្វើដំណើរជាមួយ តារាប្រុសរូបនេះហាក់អន្ទះសារចង់ឃើញមិត្តស្រីឆាប់ៗ ពេលដឹងថានាងត្រឡប់មកថៃវិញ លោកបានទៅរង់ចាំនៅឯព្រលានយន្តហោះរាប់ម៉ោង ដើម្បីបានជួបមុខនាងមុនគេ។

តាមរយៈឃ្លីបដែលតួឯកប្រុសរឿង Friend Zone បង្ហោះ Story នៅលើ Instagram គេឃើញវីដេអូយន្តហោះចុះចត និង​រូបភាព​វ៉ាលិសរបស់ Baifern ដោយក្នុងនោះមាន Tag ចូល IG របស់នាងផង​ដែរ។ គ្រាន់តែឃើញ Story នេះភ្លាម ហ្វេនៗនៅលីវនាំគ្នាចំអន់ព្រាតថា គូស្នេហ៍នេះផ្អែមពេកហើយ ធ្វើឱ្យទស្សនិកជនចង់លើសជាតិស្ករ៕

ប្រែសម្រួល៖ សន្យា

ចុចអាន៖ ឈុតកូនក្រមុំរបស់ Kimberley លនៅបារាំង សូម្បីតែមិត្តប្រុសមិនទាំងដឹងផង

ចុចអាន៖ មុនគ្រងមកុដ បវរកញ្ញាថៃ Maeya ធ្លាប់ត្រូវគេ Bully តាំងពីតូច