ជីវិតកម្សាន្ដ

តួអាសអាភាស Shu Qi តបទៅអ្នកលេងអ៊ីនធឺណិតដែលថា អាថ៌កំបាំងមានរាងស្អាត គឺកុំយកកូន

បានផុស

១ ខែ មុន

នៅ

ថ្ងៃអង្គារ ២៨ មីនា ២០២៣

ដោយ

ទោះបីជាច្រើនឆ្នាំមកហើយក៏ដោយ តារាសម្ដែងតៃវ៉ាន់ Shu Qi នៅតែត្រូវបានគេចាត់ទុកថាជាសម្រស់ដ៏អស្ចារ្យបំផុតមួយរបស់ភាពយន្តអាស៊ី បើទោះបីជានាងឈានដល់អាយុ ៤៦ ឆ្នាំហើយក្ដី ស្របពេលដែលកាលពីពេលថ្មីៗនេះ នាងបានបង្ហោះរូបថតខ្លួនឯងក្នុងឈុតពណ៌សដ៏ស៊ិចស៊ី នៅលើបណ្ដាញសង្គម រហូតអ្នកគាំទ្រមិនអាចទប់អារម្មណ៍សរសើរនាងបានទេ កាលបើឃើញសម្រស់ដ៏ស្រស់ស្អាតមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ នៅខាងក្រោមរូបភាពរបស់នាងមានទាំងការបញ្ចេញមតិសរសើរនិងសំណួរជាច្រើនអំពីរបៀបរក្សារាង ស្របពេលនៅថ្ងៃបន្ទាប់ នាងបានចែករំលែកវីដេអូរបស់នាង និងមិត្តភ័ក្តិធ្វើការហាត់ប្រាណនិងអាថ៌កំបាំងថា “សាមញ្ញ” របស់នាងក្នុងការរក្សារាងដោយថា “ការរក្សារាងពិតជាសាមញ្ញណាស់! កុំអង្គុយនៅពេលដែលអ្នកអាចឈរបាន កុំដេកនៅពេលដែលអ្នកអាចអង្គុយបាន ហើយរក្សាអារម្មណ៍រីករាយ។ ខ្ញុំញ៉ាំអ្វីគ្រប់យ៉ាង រួមទាំងបង្អែមក្នុងកម្រិតមធ្យម ហើយបន្ទាប់មកសម្រាប់អាហារពេលល្ងាច ខ្ញុំមានបបរចម្រុះមួយចាន។ ប្រសិនបើខ្ញុំត្រូវគេងយឺត ខ្ញុំនឹងញ៉ាំធម្មតារហូតដល់ខ្ញុំឆ្អែត ៧០ ភាគរយ។ ប៉ុន្តែប្រាកដណាស់ អ្នកត្រូវតែដុតចោលឲ្យបានច្រើនតាមដែលអ្នកញ៉ាំ”។

យ៉ាងណាមិញ មានមតិជាច្រើនដូចបញ្ចេញខុសៗគ្នាថា “អ្វីដែលអ្នកបានលើកឡើងគឺពិបាកពេក។ ចំណង់ចំណូលចិត្តដ៏ធំបំផុតរបស់ខ្ញុំគឺដេក ហើយញ៉ាំសាច់មាន់បំពង។ ខ្ញុំសមជាងការមើលមនុស្សស្អាតដូចអ្នក ខ្ញុំបោះបង់ការមើលទៅស្អាត” “ត្រឹមតែ 100cc ល្អដូចមិនផឹក” និង “ខ្ញុំគិតថាខ្ញុំនឹងលះបង់ជីវិត”។ បន្ទាប់មកមានអ្នកនិយមលេងអ៊ីនធឺណិតម្នាក់ ដែលបានបញ្ចេញមតិជាភាសាអង់គ្លេសថា “ហើយកុំមានកូន វាផ្លាស់ប្តូររាងកាយរបស់អ្នក”។

ភ្លាមៗនោះដែរ Shu Qi ក៏ប្រញាប់តបតទៅកាន់បុគ្គលនោះវិញជាភាសាអង់គ្លេសដូចគ្នាថា “ខ្ញុំមានមិត្តភ័ក្តិជាច្រើនដែលមានកូន ហើយរាងកាយរបស់គេល្អជាងខ្ញុំ”។ ដែលការបញ្ចេញមតិនេះធ្វើឲ្យអ្នកគាំទ្រហាក់ពេញចិត្តស្តូកនឹងការឡើកឡើងរបស់នាងផងដែរ។ ព្រោះបច្ចុប្បន្ននេះនាងនិងស្វាមី Stephen Fung ដែលជាអ្នកដឹកនាំរឿង ក៏ពុំទាន់មានដំណឹងល្អ ក្រោយពួកគេរៀបការកាលពីឆ្នាំ២០១៦៕