Connect with us

ជីវិតកម្សាន្ដ

ភាពយន្ត​ខ្មែរ​​ចេញ​ទៅ​ទីផ្សារ​អន្តរជាតិ ខណៈ ៣ប្រទេសបានទិញ ប្រទេសផ្សេងកំពុងចរចា

បានផុស

នៅ

អ្នកស្រី ប៊ុន ចាន់និមល​ បានឱ្យដឹងថា ឥឡូវ​នេះ​ភាពយន្ត​របស់​សាស្ត្រាហ្វីម ​នឹង​ចេញ​ទៅ​ទីផ្សារ​អន្តរជាតិ គឺរឿង “ហាមបិទភ្នែក” ដោយបានចុះកិច្ចសន្យាលក់ចេញរួចហើយ បន្ទាប់ពីរូបភាពភាពយន្តត្រូវគេយកទៅតាំងលក់នៅ ទីផ្សារភាពយន្តអន្តរជាតិ នៅហុងកុង កាលពីសប្ដាហ៍កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី ប៊ុន ចាន់និមល អ្នក​និពន្ធ​ និង​ជា​នាយិកា ផលិតកម្ម សាស្ត្រាហ្វីម​ (Sastra Film) មានប្រសាសន៍បន្ថែមប្រាប់ “កម្ពុជាថ្មី” នៅថ្ងៃនេះថា ឥឡូវជាផ្លូវការ សាស្ត្រាហ្វីម បានលក់ភាពយន្តរឿង “ហាមបិទភ្នែក” ទៅកាន់ប្រទេសចំនួន ៣ហើយ ដែលគេនឹងចាក់បញ្ចាំងឆាប់ៗនៅតាមរោងកុនប្រទេសទាំងនោះ។ ប៉ុន្តែអ្នកស្រីមិនទាន់អាចបញ្ចេញឈ្មោះប្រទេសចំនួន ៣នោះបានទេ ដោយសារត្រូវរង់ចាំការប្រកាសថ្ងៃចាក់បញ្ចាំងជាផ្លូវការសិន។

អ្នកស្រី ប៊ុន ចាន់និមល មានប្រសាសន៍បន្តថា៖ “ដោយសាររឿងនេះ កំពុងលក់បន្តបន្ទាប់ទៅប្រទេសផ្សេងៗទៀត ដោយសារឥឡូវគេចុះកុងត្រាលក់បាន ៣ប្រទេសហើយ ហើយយើងកំពុងរុញបញ្ចេញទៅប្រទេសផ្សេងៗទៀត។ អ៊ីចឹង បន្ទាប់ពីយើងលក់បានប៉ុន្មានប្រទេសហ្នឹងសរុប តាមរោងកុននីមួយៗ គេនឹងចេញថ្ងៃចាក់បញ្ចាំងឱ្យយើង”។

អ្នកស្រី ប៊ុន ចាន់និមល បានឱ្យដឹងថា ភ្នាក់ងារទិញលក់ភាពយន្តអន្តរជាតិ អត់ដែលលក់ភាពយន្តខ្មែរកន្លងមកទេ តែគេចាប់អារម្មណ៍ភាពយន្តរឿង “ហាមបិទភ្នែក” រួចគេទាក់ទង សាស្ត្រាហ្វីម យកភាពយន្តនេះ ទៅលក់នៅទីផ្សារហុងកុងដំបូងគេ កាលពីសប្ដាហ៍កន្លងទៅ។ លោកស្រីបានឱ្យដឹងបន្ថែមថា ព្រោះកាលពីសប្ដាហ៍កន្លងទៅ ថ្ងៃទី១២ ដល់ ១៦ ខែមីនា ឆ្នាំ២០២៣ នៅហុងកុងមានធ្វើពិព័រណ៍ភាពយន្ត ដែលគេដាក់លក់ភាពយន្តមកពីបណ្ដាប្រទេសផ្សេងៗ ក្នុងនោះមានរឿង “ហាមបិទភ្នែក” ត្រូវបានគេជ្រើសរើសដាក់ក្នុងទីផ្សារធំនោះ”។

ចំពោះការជ្រើសរើសភាពយន្តរបស់ សាស្ត្រាហ្វីម ចូលទីផ្សារភាពយន្តអន្តរជាតិ អ្នកស្រី ប៊ុន ចាន់និមល លើកឡើងថា នេះជាដំណាក់កាលនៅក្នុងផែនការរបស់ សាស្ត្រាហ្វីម ព្រោះតាំងពីដើមមក សាស្ត្រាហ្វីម មានគោលការណ៍មួយគឺ ភាពយន្តខ្មែរឆ្ពោះទៅកាន់ពិភពលោក ដោយតែងរកវិធីនានាដើម្បីនាំភាពយន្តខ្មែរទៅដល់ទីផ្សារអន្តរជាតិ។

អ្នកស្រី ប៊ុន ចាន់និមល មានប្រសាសន៍បន្តថា៖ “យើងមានវិធីផ្សេងៗ ក្នុងហ្នឹង App របស់យើង ក៏មានទស្សនិកជនបរទេសចូលមើលច្រើនផងដែរ។ ដោយឡែកការចាក់បញ្ចាំងរឿង “ហាមបិទភ្នែក” ចូលទីផ្សារអន្តរជាតិហ្នឹង ជារូបភាពមួយបែបទៀត គឺជាភាពយន្តបញ្ចាំងតាមរោងកុនវិញម្ដង។ អ៊ីចឹងខ្ញុំគិតថា នេះជាសញ្ញាដ៏ល្អមួយ ជាការបើកទំព័រទីផ្សារភាពយន្តខ្មែរលើទីផ្សារភាពយន្តអន្តរជាតិ ព្រោះកន្លងមកស្ទើរតែមិនមានរឿងខ្មែរលើទីផ្សារអន្តរជាតិ អ៊ីចឹងគេអត់ស្គាល់ខ្មែរ ភាពយន្តខ្មែរទេ។ យើងចាប់ផ្ដើមពីចំណុចហ្នឹងទៅ ជាបន្តបន្ទាប់ទៀតយើងនឹងមានរឿងខ្មែរផ្សេងៗទៀត ដើម្បីឱ្យគេស្គាល់ខ្មែរ ដូចគេស្គាល់ភាពយន្តកូរ៉េអីជាដើម”។

ចំពោះការផលិតភាពយន្តបញ្ចាំងរោងលើកក្រោយៗ អ្នកស្រី ប៊ុន ចាន់និមល បានឱ្យដឹងថា សាស្ត្រាហ្វីម មានផែនការផលិតដោយពង្រឹងគុណភាពឱ្យកាន់តែល្អឡើង ព្រមទាំងសិក្សាពីតម្រូវការទីផ្សារ ជ្រើសរើសប្រភេទភាពយន្តដែលអាចនាំចេញទៅក្រៅប្រទេសបាន ដោយផ្ដោតទីផ្សារក្នុង និងក្រៅប្រទេសកាន់តែច្រើន។

គួរបញ្ជាក់ថា សាស្ត្រាហ្វីម ជាក្រុមហ៊ុនផលិតភាពយន្ត បង្កើតដោយកូនខ្មែរ ដែលមានផលិតភាពយន្តភាគ ភាពយន្តអប់រំ ភាពយន្តខ្សែជីវិត ដាក់ទូរទស្សន៍ និង App ផ្ទាល់ខ្លួន។ សាស្ត្រាហ្វីម កំពុងទទួលបានការគាំទ្រពីមហាជន ដោយសារការផលិតភាពយន្តប្លែកៗ មានខ្លឹមសារអប់រំសង្គម និងមានគុណភាពអាចទទួលយកបាន៕

អត្ថបទ៖ ច័ន្ទ ​វីរៈ

Helistar Cambodia - Helicopter Charter Services
Sokimex Investment Group
ព័ត៌មានជាតិ៤០ នាទីutes មុន

វិនិយោគិនចាក់ទុនជិត $៨០០ លាន ក្នុងវិស័យអចលនទ្រព្យ តាមរយៈយន្តការ​បរធនបាលកិច្ច

កីឡា៥៥ នាទីutes មុន

កីឡាករ​ ស៊ន​ រ៉ាគីម​ ចូល​ហ្វឹកហាត់​សាក​ឡើង​វិញ​ ប៉ុន្តែ​អាការៈ​របួស​នៅ​ឈឺ​

ព័ត៌មានជាតិ៥៥ នាទីutes មុន

សិស្សពូកែ៣រូប ថាការរៀនពូកែ«មិនមែនព្រោះតែពូជពង្សឡើយ»គ្រប់យ៉ាងមានចំណែកមកពីគ្រូ និងខំខ្លួនឯង

វប្បធម៌ ជំនឿ១ ម៉ោង មុន

ព័ត៌មានលម្អិត! កំណត់ហេតុអង្គប្រជុំ ស្តីពីការសាងសង់អាស្រម វង្ស ចក្រាយុត្តិ នៅខេត្តព្រះវិហារ

ព័ត៌មានជាតិ២ ម៉ោង មុន

រតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ

ព័ត៌មានអន្ដរជាតិ២ ម៉ោង មុន

រថយន្តក្រុង​រដ្ឋ​ដឹកអ្នកដំណើរជាង​៥០នាក់​​ ធ្លាក់​ចូល​ជ្រលងភ្នំ​នៅស្រីលង្កា​ មិនទាន់​ដឹង​មូលហេតុ​

ព័ត៌មានអន្ដរជាតិ៦ ម៉ោង មុន

ហ្សេលេនស្គី ព្រមជួបពូទីន ទល់មុខ នៅតួកគី តែមានលក្ខខណ្ឌមួយ 

ព័ត៌មានអន្ដរជាតិ២២ ម៉ោង មុន

អាល្លឺម៉ង់ ប្រកាសលែង​បង្ហើប​ដំណឹង​អំពី​ជំនួយ​យោធា​ដែល​ផ្ដល់​ឲ្យ​អ៊ុយក្រែន​ទៀត​ហើយ

ព័ត៌មានជាតិ៤ ម៉ោង មុន

ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ

កីឡា២២ ម៉ោង មុន

សម្ដេច ហ៊ុន ម៉ាណែត កោតសរសើរក្លឹបបាល់ទាត់ព្រះខ័នរាជស្វាយរៀង ទទួលបានជើងឯករង ពាន AFC CHALLENGE LEAGUE

Sokha Hotels

ព័ត៌មានពេញនិយម