តួ កុំកុំ ឆ្លើយនឹងញ្ញត្តិដែលប្រជាជនហុងកុងទាមទារឱ្យដកខ្លួនចេញពីកម្មវិធី Oscar

តារាក្បាច់គុន កុំកុំ (Donnie Yen) ត្រូវប្រជាហុងកុង ១១ម៉ឺននាក់ នាំគ្នាដាក់ញត្តិទាមទារឱ្យដកខ្លួនចេញពីតួនាទីជាអ្នកធ្វើបទបង្ហាញក្នុងកម្មវិធីពានរង្វាន់ Oscar នាឆ្នាំ២០២៣នេះ ដោយសារលោកបង្ហាញការគាំទ្រទៅលើរដ្ឋាភិបាលចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារា​សម្ដែងហុងកុង​​រូប​នេះ​ ត្រូវបានកម្មវិធី Oscars អញ្ជើញឱ្យធ្វើជាអ្នកប្រកាសពាន​រង្វាន់​​បទ​ចម្រៀង​ល្អ​បំផុតប្រចាំ ​កាល​ពី​ថ្ងៃទី១៣ ខែមីនា។ មុនពេលព្រឹត្តិការណ៍ប្រារព្ធឡើងគឺនៅថ្ងៃទី១២ ខែមីនា ញត្តិមួយដែលបង្កើតឡើងដោយសកម្មជន Tong Wai-hung បានអះអាងថា ការចូលរួមរបស់តារាសម្តែង Donnie Yen នៅក្នុងកម្មវិធី គឺកំពុងបង្ហាញការមើលងាយលើប្រជាជនហុងកុង ហើយថាវត្តមានរបស់តារាវ័យ ៥៩ឆ្នាំរូបនេះ នឹងធ្វើឱ្យខូចមុខមាត់ និងកេរ្តិ៍ឈ្មោះនៃឧស្សាហកម្មភាពយន្ត។

តាំងពីញ្ញតិបានលេចឡើង Donnie Yen បានរក្សាភាពស្ងប់ស្ងាត់ ពុំមានការឆ្លើយតប ឬប្រតិកម្មអ្វីទាំងអស់។ ទើបតែពេលនេះ លោកបានឆ្លើយតបទៅនឹងញត្តិដែលទាមទារឱ្យលោកដកខ្លួនចេញពីកម្មវិធី Oscar កាលដើមខែកន្លងទៅនោះ។

ថ្លែងទៅកាន់ Variety ក្នុងបទសម្ភាសន៍ថ្មីមួយ លោកនិយាយទៅកាន់ញត្តិដោយផ្ទាល់ថា “ខ្ញុំត្រូវបានអនុញ្ញាតឱ្យស្រឡាញ់វប្បធម៌ផ្ទាល់ខ្លួនរបស់ខ្ញុំ និងស្រឡាញ់ប្រទេសជាតិខ្ញុំ។ ហេតុអ្វីខ្ញុំមិនអាចស្នេហាជាតិ? វប្បធម៌ការគំរាមកំហែងតាមអ៊ីនធឺណិតកួរតែបញ្ឈប់ពីពេលនេះទៅ”។ បន្ថែមពីលើនេះ លោកបន្តថា យើងមិនអាចគ្រប់គ្រងការគិតរបស់នរណានោះទេ។ ហើយ​ក៏មិនអាចហាមគេមិនឱ្យនិយាយដែរ៕

ប្រែសម្រួល៖ សន្យា

ចុចអាន៖ រឿងផ្ទាល់ខ្លួនទាំង៨ របស់កំពូលតារាក្បាច់គុនកុងហ្វូ កុំកុំ (Donnie Yen)

ចុចអាន៖ ប្ដីប្រពន្ធ Bin-Jin បង្ហោះរូបគូ អបអរខួបអាពាហ៍៍ពិពាហ៍មួយឆ្នាំ លុបបំបាត់ពាក្យចចាមអារ៉ាមលែងលះ