ហ្វេនភ្ញាក់ផ្អើល ក្រោយកុមារីក្នុងរឿង “The Glory” សារភាពថា ខ្លួនមានសង្សារតាំងពីថ្នាក់ទី១

បន្ទាប់ពីតួក្នុងរឿង The Glory គឺតារាសម្ដែងស្រី Lim Ji Yeon និងតារាប្រុស Lee Do Hyun ត្រូវបាន Dispatch បង្ហើបថាកំពុងមានទំនាក់ទំនងស្នេហាជាមួយគ្នា តារាស្រីវ័យក្មេងម្នាក់ទៀតបានសារភាពពីទំនាក់ទំនងផ្ទាល់ខ្លួនរបស់នាងផងដែរ ហើយពុំមាននរណាក្រៅពីកុមារីដ៏គួរឱ្យស្រឡាញ់ Oh Ji Yul នោះទេ។

ភ្លាមៗបន្ទាប់ពីភ្នាក់ងាររបស់តារាសម្តែងទាំងពីរបានបញ្ជាក់ពីទំនាក់ទំនងស្នេហារបស់ពួកគេ និយាយបទសម្ភាសន៍មួយ តួកូនស្រីរបស់ Lim Ji Yeon បានប្រាប់ត្រង់ៗថា នាងក៏មានមិត្តប្រុសដែរ ដែលនាងបានទាក់ទងគ្នាតាំងពីរៀនថ្នាក់ទី១មកម្ល៉េះ។

កុមារី Oh Ji Yul បានរៀបរាប់ពីគ្រាស្គាល់គ្នា រហូតដល់ភ្ជាប់ទំនាក់ទំនងស្នេហាថា នាងបានជួបមិត្តប្រុសដំបូងនៅសាលា ព្រោះនាងរៀនសាលាតែមួយជាមួយគេ។ មិនតែប៉ុណ្ណោះ មិត្តប្រុសនាងក៏ជាអ្នកជិតខាងនាងផងដែរ ដោយអ្នកទាំងពីរ​រស់​នៅ​ក្នុង​ផ្ទះ​ល្វែង​ដូច​គ្នា។ ក្រោយ​ចេញពី​រៀន ពួកគេ​តែងតែដើរទៅ​ផ្ទះ​ជាមួយ​គ្នាទៀតផង។

Oh Ji Yul និយាយទាំងទំនុកចិត្តទៀតថា នាងបានសារភាពស្នេហ៍ប្រាប់គេជាមុន ហើយអ្នកទាំងពីរក៏បានក្លាយជាសង្សារនឹងគ្នា ដោយសារមិត្តប្រុសរបស់នាងក៏ចូលចិត្តនាងដែរ។

បន្ទាប់ពីឮពាក្យសារភាពរួចមក អ្នកនិយមលេងអ៊ីនធឺណឺតមួយចំនួនបានសម្ដែងការភ្ញាក់ផ្អើលជាខ្លាំង និងមិនចង់ជឿឡើយថាវាជាការពិត ប៉ុន្តែក៏មានអ្នកខ្លះបានជូនពរឱ្យតារាសម្តែងវ័យក្មេងរូបនេះទទួលបានសុភមង្គលក្នុងទំនាក់ទំនងរបស់នាង៕

ប្រែសម្រួល៖ សន្យា

ចុចអាន៖ នៅក្មេងមែន តែកុមារីក្នុងរឿង “The Glory” ក្ដោបបានឱកាសជាម៉ូដែលឱ្យទស្សនាវដ្ដីអន្តរជាតិ

ចុចអាន៖ តារាសម្ដែង Lee Do Hyun និង Lim Ji Yeon ក្នុងរឿង”The Glory”លួចណាត់ជួបគ្នា