NewJeans ក្លាយជាក្រុម K-pop នារីដំបូងគេសម្តែងនៅមហោស្រពតន្ត្រី Lollapalooza

ក្រោយពីបង្ហាញខ្លួនមិនទាន់បាន ១ ឆ្នាំក្រុមចម្រៀង NewJeans នឹងក្លាយជាតារា K-pop នារីដំបូងគេដែលបានសម្តែងនៅក្នុងមហោស្រពតន្ត្រីដ៏ធំ 2023 Lollapalooza នៅអាមេរិកខាងជើង។

ខណៈដែលការប្រគំតន្ត្រី Lollapalooza បានប្រកាសនៅលើគណនី Twitter ផ្លូវការរបស់ខ្លួនថាក្រុម ចម្រៀងនារី NewJeans និងក្រុម TOMORROW X TOGETHER នឹងសម្តែងនៅការប្រគំតន្ត្រី Lollapalooza ក្នុងទីក្រុង Chicago ដែលធ្វើឲ្យអ្នកគាំទ្រ K-pop ទូទាំងពិភពលោកមានការរំភើបចិត្តនៅពេលដែលបានលឺថាដំណឹងមួយនេះ ។

ក៏ព្រោះតែ NewJeans ជាក្រុមចម្រៀងរកំពុងឡើងកូដខ្លាំងនៅក្នុងឧស្សាហកម្មតន្ត្រីកូរ៉េក៏ដូចជាអន្តរជាតិនឹងចូលរួមក្នុងក្រុមក្នុងនាមជាតារា K-pop នារីដំបូងគេដែលសម្តែងនៅ Lollapalooza ។ New Jeans ដែលត្រូវបានគេស្គាល់ថាជាក្រុមចម្រៀងដ៏មានឥទ្ធិពលនៃតារា K-pop ជំនាន់ទី ៤ ជាមួយនឹងបទចម្រៀងពេញនិយមរបស់ពួកគេ និងការសម្តែងដ៏ទាក់ទាញ ។

យ៉ាងណាមិញ មហោស្រពតន្ត្រី Lollapalooza នឹងព្រឹត្តិការណ៍ឡើងចាប់ពីថ្ងៃទី ៣ រហូតដល់ទី ៦ ខែសី ហា ឆ្នាំ ២០២៣ ដែលធ្វើនៅ Grant Park ក្នុងទីក្រុង Chicago សហរដ្ឋអាមេរិក ៕

ប្រែសម្រួល៖នាងតូច

ចុចអាន៖Suga សមាជិក BTS នឹងសហការជាមួយ IU ក្នុងបទចម្រៀងថ្មី