ជីវិតកម្សាន្ដ

ប៉ុស្តិ៍លេខ ៧ លុបពាក្យចចាមអារ៉ាមដែលថា Aum នឹងប្ដូរទ្រនំថ្មី ក្រោយចប់កុងត្រាភ្លាមៗ

បានផុស

៣ years មុន

នៅ

ថ្ងៃចន្ទ ១០ មេសា ២០២៣

ដោយ

ទំព័រ “7hdsocietyfc7” របស់ថៃ បានបង្ហោះសារដើម្បីកម្ចាត់ពាក្យចចាមអារ៉ាមដែលថា ក្រោយតារាសម្ដែង Aum Patchrapa ផុតកុងត្រារបស់ប៉ុស្តិ៍លេខ៧ នាងនឹងផ្លាស់ទៅចូលរួមក្នុងប៉ុស្តិ៍ផ្សេងក្នុងខែសីហាខាងមុខនេះឥតបង្អង់យូរឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទំព័រដដែលបានបញ្ចាក់បន្ថែមទៀតថា តារាស្រី Aum មិនបានទៅណាទេ នាងនៅតែជាឆានែលពណ៌លេខ៧ដដែល។តារាស្រីរូបនេះគឺជាទូតសុឆន្ទៈរបស់ប៉ុស្តិ៍ ហើយថែមទាំងទទួលបានប្រាក់ឈ្នួលប្រចាំឆ្នាំផងដែរ។

ដោយឡែកនៅលើទំព័រ Aum Patchrapa Fanclub ដែលមានអ្នកតាមដាន ៤.៩លាននាក់ ក៏បានផ្លាស់ប្តូរ នឹងចេញមកបញ្ចាក់ដែលថា Aum មិនមានបំណងផ្លាស់ប៉ុស្តិ៍នោះទេ។ ទោះបីជាក្នុងរយៈពេល៣ឆ្នាំនាងថតបានតែមួយរឿងក៏ដោយ តែនាងនៅតែមានកុងត្រាជាទូតសុន្ទៈឲ្យប៉ុស្តិ៍លេខ៧ ឬអ្នកធ្វើបទបង្ហាញឆានែល នោះបន្តកុងត្រាពីមួយឆ្នាំទៅមួយឆ្នាំជាមួយនឹងប្រាក់ដ៏ច្រើនសន្ធឹកសន្ធាប់ដោយមិនចាំបាច់លេងភាពយន្ត ហើយនាងក៏មានសិទ្ធិក្នុងការជ្រើសរើសប្រភេទរឿងត្រូវសម្ដែង ជ្រើសរើសតួប្រុស ជ្រើសរើសទីតាំង ឬសូម្បីតែអ្នកដឹកនាំរឿង។

យ៉ាងណាមិញទំព័រ Fanclub របស់ Aum Patcharapa នៅតែបញ្ចាក់ដដែលៗទៀតថា នាងនៅតែនៅប៉ុស្ដិ៍លេខ៧HD ហើយក៏ជាឆ្នាំទី២៦ហើយដែល Aum ស្ថិតនៅក្រោមប៉ុស្តិ៍ ហើយឥឡូវកំពុងប្រញាប់ប្រញាល់ថតរឿង “Lhom Pud Parn Dao” ត្រៀមចាក់បញ្ចាំងក្នុងឆ្នាំនេះដែរ៕