ជីវិតកម្សាន្ដ

ហេង នរកក្កដា ៖ កម្ពុជា ជាប្រទេសអច្ឆរិយបំផុត សំបូរទៅដោយប្រាសាទបុរាណដ៏ល្អឯក គ្មានពីរ លើលោក

បានផុស

៣ years មុន

នៅ

ថ្ងៃអង្គារ ១៨ មេសា ២០២៣

ដោយ

តារាសម្ដែងប្រុសសង្ហាសម្បូរសាច់ដុំលោក ហេង នរកក្កដា ទោះបីអាជីពសិល្បៈមានភាពស្ងប់ស្ងាត់អំឡុងពេលមួយរយៈចុងក្រោយនេះបន្តិចមែន តែភាពល្បីល្បាញរបស់លោកកន្លងមកនៅតែដក់ជាប់បេះដូងអ្នកគាំទ្រគ្រប់មជ្ឈដ្ឋានមហាជនទូទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញមុននេះ លោក ហេង នរកក្កដា ស្រាប់តែចេញមកនិយាយប្រាប់ទៅកាន់ពិភពលោកថា កម្ពុជា គឺជាប្រទេសអច្ឆរិយបំផុត និងសំបូរទៅដោយប្រាសាទបុរាណដ៏ល្អឯកគ្មាន ២ លើលោក។ លោកបញ្ជាក់ថា ប្រសិនបើមានជនបរទេសណាមួយសួរសំនួរពាក់ព័ន្ធនឹង កម្ពុជា លោកក៏នឹងឆ្លើយបែបនេះ។

តារាសម្ដែងលោក នរកក្កដា បានលើកឡើងថា «ប្រសិនជាមានជនបរទេសមកសួរខ្ញុំថា តើប្រទេសអ្នកមានអ្វីដែលអស្ចារ្យខ្លះ? ខ្ញុំនឹងតបទៅគេវិញថា ប្រទេសខ្ញុំគឺជាប្រទេសមានវ័យចំណាស់ និងជាកន្លែងដែលអច្ឆរិយបំផុតក្នុងចំណោមបណ្ដាប្រទេសទាំងអស់នៅជុំវិញពិភពលោក ព្រោះប្រទេសខ្ញុំសំបូរទៅដោយប្រាសាទបុរាណដ៏ល្អឯកគ្មាន ២ លើលោក»។

ការលើកឡើងរបស់តារាប្រុសលោក ហេង នរកក្កដា ខាងលើនេះ មិនត្រឹមតែទទួលបានការគាំទ្រពីមហាជននោះទេ ថែមទាំងទទួលបានការសរសើរសម្រាប់ការចូលរួមផ្សព្វផ្សាយនូវវប្បធម៌ និងអរិយធម៌ដ៏ល្អផូរផង់របស់ខ្មែរទៅកាន់ពិភពលោកផងដែរ៕

អត្ថបទ ៖ ចាន់រ៉ា