ជីវិតកម្សាន្ដ
ក្រៅពីស្ថាបនិក Miss Grand លោកណាវ៉ាតមានក្រុមហ៊ុន ៤ ក្នុងដៃកំពុងកាន់កាប់
ក្រៅពីជាម្ចាស់ស្ថាបនិក Miss Grand International លោក ណាវ៉ាត់ អ៊ីសារ៉ាហ្គ្រីស៊ីល (Nawat Itsaragrisil) ក៏មានអាជីវកម្មធំៗក្នុងដៃ ដែលអាចរកអាចប្រាក់ចំណេញដ៏ច្រើនសន្ធឹកអស់រយៈពេលជាច្រើនឆ្នាំជាប់ៗគ្នា។
ម្ចាស់កម្មវិធីប្រកួតសម្រស់ Miss Grand International រូបនេះ ទម្រាំឈានដល់ចំណុចមួយនេះ ជីវិតរបស់លោកជួបរឿងមិនធម្មតានោះទេ។ ពេលរៀននៅវិទ្យាល័យលោកបានចូលរួមកម្មវិធីហ្គេមជាច្រើន។ រហូតទទួលបានរង្វាន់ជាច្រើនដល់ថ្នាក់បញ្ជូនខ្លួនទៅរៀនរហូតដល់ចប់ បន្ទាប់មកចាប់ផ្ដើមមានបទពិសោធន៍ធ្វើដំណើរទៅបរទេសញឹកញាប់។
ក្រោយមក លោកបានធ្វើការជាមន្ត្រីផ្នែកទីផ្សារឲ្យក្រុមហ៊ុនរថយន្តមួយ ខណៈកំពុងសិក្សាថ្នាក់បរិញ្ញាបត្រ។ មុនពេលក្លាយខ្លួនជាមគ្គុទ្ទេសក៍ទេសចរណ៍ Patrol លោកបានធ្វើដំណើរទៅកាន់ប្រទេសជុំវិញពិភពលោក ហើយបានបើកទីភ្នាក់ងារទេសចរណ៍ផ្ទាល់ខ្លួន។ មុនពេលជីវិតបានផ្លាស់ប្តូរជាថ្មីម្ដងទៀត នៅពេលដែលលោកត្រូវបានទាញចូលក្នុងវិស័យកម្សាន្ត ដោយនាយកប្រតិបត្តិនៃស្ថានីយទូរទស្សន៍ ITV មកទល់សព្វថ្ងៃ។
ទោះយ៉ាងណាក៏ដោយ យោងតាមព័ត៌មានពីនាយកដ្ឋានអភិវឌ្ឍន៍អាជីវកម្មនៃក្រសួងពាណិជ្ជកម្ម គេបានរកឃើញថា លោកណាវ៉ាត់លេចមុខជានាយកក្រុមហ៊ុនជាច្រើន មិនមែនត្រឹមជាមេ Miss Grand International មួយមុខនោះទេ។
១ ក្រុមហ៊ុន Boeing Holiday Tour and Travel Co., Ltd. បានចុះបញ្ជីនៅថ្ងៃទី ១៩ ខែវិច្ឆិកា ឆ្នាំ ១៩៩៦ ដោយមានឈ្មោះលោកណាវ៉ាត់ជានាយកក្រុមហ៊ុន។ បើកអាជីវកម្មលក់សំបុត្រយន្តហោះ ផ្ដល់សេវាកម្មទេសចរណ៍ បច្ចុប្បន្ននេះ ដើមទុនដែលបានចុះបញ្ជីមានចំនួន២ លានបាត ។
២ ក្រុមហ៊ុន Holiday Television Co., Ltd ចុះបញ្ជីនៅថ្ងៃទី ១២ខែកក្កដា ឆ្នាំ២០០២ ដោយមានឈ្មោះលោកណាវ៉ាត់ជានាយកក្រុមហ៊ុន។ អាជីវកម្មផលិតទូរទស្សន៍ បច្ចុប្បន្ននេះ ដើមទុនដែលបានចុះបញ្ជីគឺ ១ លានបាត។
៣ ក្រុមហ៊ុន Miss Grand International Co., Ltd ត្រូវបានចុះបញ្ជីនៅថ្ងៃទី០៦ ខែវិច្ឆិកា ឆ្នាំ ២០១៣ ដែលមានលោកណាវ៉ាត់ ជាក្រុមប្រឹក្សាភិបាលម្នាក់។ អាជីវកម្មលក់ដុំ និងរាយផលិតផល ផលិតផលថែរក្សាសម្រស់ និងអាហារដែលមានដើមទុនចុះបញ្ជីចំនួន ៧៥លានបាត។ បច្ចុប្បន្ននេះ ស្ថានភាពនីតិបុគ្គលត្រូវបានផ្លាស់ប្តូរទៅជា Miss Grand International Public Company Limited នៅថ្ងៃទី ១៥ ខែមិថុនា ឆ្នាំ ២០២២។
បន្ថែមពីលើនេះ គេបានរកឃើញថា លោកណាវ៉ាត់ក៏មានក្រុមហ៊ុន Milk Coffee Co., Ltd. ដែលបានចុះបញ្ជីនៅថ្ងៃទី០៩ ខែមករា ឆ្នាំ ២០០១ ដែលកំពុងប្រតិបត្តិការអាជីវកម្មគ្រឿងសម្អាង ជាមួយនឹងដើមទុនចុះបញ្ជីចំនួន២ លានបាត នៅថ្ងៃទី ២៣ ខែកក្កដា ឆ្នាំ ២០០៨ ៕
ប្រែសម្រួល៖ សាង ស្រីល័ក្ខ
មិនទាន់ជាគូស្នេហ៍ច្បាស់ការ តែសកម្មភាព Ploy និងតារារ៉េប Tong លើសពីផ្អែមល្ហែម
ចុចអាន៖មិនទាន់ជាគូស្នេហ៍ច្បាស់ការ តែសកម្មភាព Ploy និងតារារ៉េប Tong លើសពីផ្អែមល្ហែម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?