មិនទាន់ជាគូស្នេហ៍ច្បាស់ការ តែសកម្មភាព Ploy និងតារារ៉េប Tong លើសពីផ្អែមល្ហែម

ថ្វីត្បិតតែតារាសម្ដែង Ploy Chermarn និងតារារ៉េប ​Tong Twopee មិនទាន់ប្រកាសពីទំនាក់ទំនងថាជាមិត្ត ឬជាស្នេហាច្បាស់ការក្ដី តែរាល់សកម្មភាពរបស់ពួកគេ​ទស្សនិកជន​អាចទាយ​បានដោយ​ងាយ​ថា​លើស​ពី​មិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ​គ្នា​នោះ​ដែរ កាល​ពីពេល​ថ្មីៗ​នេះ Ploy-Tong បាន​ទៅ​លំហែ​កាយ​នៅកោះ Phuket ជាមួយ​មិត្ត​ភក្តិ​មួយ​ក្រុម។ ក្នុងនោះខាងភាគី​បុរសក៏បាន Live ផ្ទាល់បង្ហាញពីពេលវេលា​ដ៏​គួរ​ឲ្យស្រលាញ់​បំផុត​របស់​នារី​ម្នាក់​ដែល​អង្គុយ​ក្បែរ​លោក ពេល​កំពុងជិះ​ទូក​កម្សាន្ត​ហិត​ដើម្បី​ក្លិន​សមុទ្រ។

ទោះយ៉ាងណា ក្រោយឃ្លិបរបស់តារារ៉េបរូបនេះបង្ហោះ​ជា​សាធារណៈ​មិន​បាន​ប៉ុន្មានផង​ មហាជនជាច្រើនបានសូលទៅបញ្ចេញមតិម្ដងហើយម្ដងទៀត ដោយនិយាយដូចៗគ្នាថា ពួកគេគឺជា​គូស្នេហ៍​ដែល​ស្រលាញ់​គ្នា​ខ្លាំង​។ ព្រោះ​មិន​ថា​មើល​ទៅ​ទីណា​ទេ ពិភពលោក​ទាំងមូល​ប្រែ​ពណ៌​ផ្កាឈូក​ពី​ស្នេហា​របស់ Ploy-Tong។​ ​លើសពីនេះ រាល់សកម្មភាពរបស់ភាគីម្ខាងបានបង្ហាញពីក្ដីស្រលាញ់ និងការយកចិត្តទុកដាក់ឲ្យគ្នាទៅមក។

យ៉ាងណាមិញ Ploy Chermarn ធ្លាប់បាន​បង្ហោះរូបថតគូស្នេហ៍មួយសន្លឹក​ ដើម្បីបញ្ជាក់ពី​ភាពច្បាស់​លាស់នៃ​ទំនាក់ទំនងរវាងនាងនិងតារារ៉េប Tong ដែលពេលនេះវា​កំពុងតែ​ចាប់ផ្តើម​យ៉ាងស្រស់ស្អាតជាមួយនឹង​រូបភាព​ដើរ​ទន្ទឹមគ្នា កាន់​ដៃគ្នា​យ៉ាង​ស្អិតល្មួត រួម​ជាមួយ​ចំណង​ជើង​ដ៏​ផ្អែម​ល្ហែម​ថា “I tell the stars about you”៕

ប្រែសម្រួល៖ សាង ស្រីល័ក្ខ

ចុចអាន៖មូលហេតុតារាល្បីៗនៅ ថៃ សម្រុកប្រកាសប្រេះឆាក្នុងឆ្នាំតែមួយ ទោះស្រលាញ់គ្នាជិត ១០ ឆ្នាំ

ចុចអាន៖រៀមច្បង Ploy ប្រកាសពីទំនាក់ទំនងរបស់នាងជាមួយតារារ៉េប Tong ច្បាស់ការហើយ