Connect with us

ជីវិតកម្សាន្ដ

វណ្ណដា រំភើបស្ទើរស្រក់ទឹកភ្នែក ខណ: វណ្ណថាន ក៏ថា បេះដូងរំភើបខ្លាំងក្នុងព្រឹត្តិការណ៍បើកស៊ីហ្គេម

បានផុស

នៅ

ជាការពិតនៅក្នុងកម្មវធីបើកព្រឹត្តិការណ៍កីឡាសុីហ្គេមលើកទី៣២ និងអាស៊ានប៉ារ៉ាហ្គេមលើកទី១២បានប្រព្រឹត្តិទៅយ៉ាងរលូន និងអស្ចារ្យបំផុតជាមួយការបង្ហាញផ្ទាំងទស្សនីយភាពព្រមទាំងការសម្តែងដ៏កក្រើកពីសំណាក់តារាចម្រៀងល្បីៗប្រចាំប្រទេសដើម្បីអបអរព្រឹត្តិការណ៍ដ៏អស្ចារ្យនេះ ដែលរៀបចំឡើងនៅព្រះរាជាណាចក្រកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងដែលធ្វើឲ្យមហាជនកាន់តែចាប់អារម្មណ៍ខ្លាំងថែមទៀតនោះ ក្រោយចប់ការសម្តែងក្នុងព្រឹត្តិការណ៍បើកស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ឃើញមានតារាចម្រៀងល្បីៗរបស់ខ្មែរជាច្រើនដួងបានសម្តែងអារម្មណ៍ដ៏រំភើបរៀងៗខ្លួនដែលបានចូលរួមសម្តែងនៅក្នុងព្រឹត្តិការណ៍ដ៏អស្ចារ្យនេះ។

ដោយឡែកបើងាកទៅមើលតារាចម្រៀងរ៉េបលោក វណ្ណដា និង វណ្ណថាន ឯណ្ណេះវិញគឺអ្នកទាំង២មិនខុសគ្នាប៉ុន្មានជាមួយតារាចម្រៀងប្រុស-ស្រីល្បីៗឯទៀតទេ ដោយក្នុងនោះ វណ្ណដា និយាយថា លោកស្ទើរទប់ទឹកភ្នែកមិនជាប់នៅក្នុងព្រឹត្តការណ៍ដ៏អស្ចារ្យនេះ។ ចំណែកលោក វណ្ណថាន ក៏បានសម្តែងក្តីរំភើបខ្លាំងចេញពីបេះដូងផងដែរ។

វណ្ណដា បានលើកឡើងថា បើនិយាយពីអារម្មណ៍ពិតថ្ងៃបើកSEA GAME លើកទី៣២ ដែលកម្ពុជាធ្វើជាម្ចាស់ផ្ទះនោះ គឺលោកបានចូលរួមសម្តែង និងទស្សនាដោយផ្ទាល់ពិតជាមានមោទកភាពបំផុតក្នុងនាមជាកូនខ្មែរស្ទើរស្រក់ទឹកភ្នែក និងមិនចង់ព្រិចភ្នែកនៅពេលបានទស្សនាផ្ទាល់នៃទិដ្ឋភាពដ៏កម្រមួយនេះ។ រីឯ វណ្ណថាន បាននិយាយដែរថា ស្នាមញញឹមនិងបេះដូងដែលពួកគេបានចូលរួមការបើកព្រឹត្ដិការណ៍ សុីហ្គេម លើកទី៣២ឆ្នាំ២០២៣។ អរគុណអ្នកទាំងអស់គ្នាសម្រាប់សម្លេងស្រែកហ៊ោគាំទ្រដ៏អស្ចារ្យ។

សូមជម្រាបថា ព្រឹត្តិការណ៍ស៉ីហ្គេមនាពេលនេះ គឺជាព្រឹត្តិការណ៍ប្រវត្តិសាស្ត្ររបស់កម្ពុជាដែលពលរដ្ឋកម្ពុជាបានរង់ចាំអស់រយៈពេល៦៤ឆ្នាំមក។ ប្រជាពលរដ្ឋកម្ពុជាគ្រប់រូបពិតជាមានមោទនភាព និងក្ដីរំភើបបំផុតនៅពេលឃើញទិដ្ឋភាពដ៏អស្ចារ្យជាប្រវត្តិសាស្ត្រមិនដែលមានពីមុនមកនេះ។

ទិដ្ឋភាពនៃពិធីបើកព្រឹត្តិការណ៍ស៉ីហ្គេមលើកទី៣២ (32nd SEA Games) និងអាស៊ានប៉ារ៉ាហ្គេមលើកទី១២(12th ASEAN Para Games )នារាត្រីថ្ងៃទី០៥ ខែឧសភា ឆ្នាំ២០២៣ គឺបានឆក់យកបេះដូងប្រជាពលរដ្ឋប្រតិភូកីឡាគ្រប់បណ្ដារប្រទេស ភ្ញៀវជាតិ ភ្ញៀវអន្តរជាតិ ទស្សនាមិនដាក់ភ្នែកនូវការរៀបចំ និងការសម្ដែងដ៏អស្ចារ្យរបស់សិល្បករ សិល្បការិនី ដែលបានបង្ហាញនូវប្រវត្តិដ៏រុងរឿងផូរផង់របស់បុព្វបុរសដូនតាខ្មែរនាសម័យកាលបុរាណ និងភាពរីកចម្រើននាសម័យ​កាលបច្ចុប្បន្ននេះ៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៨ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៥៦ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម