លោក Nawat ដាក់ពាក្យប្ដឹងជំនួសអតីតបវរកញ្ញា Engfa រឿងគេបរិហាកេរ្តិ៍លើបណ្ដាញសង្គម

បន្ទាប់ពីអ្នកនិយមលេងអ៊ីនធឺណីតនាំគ្នាបញ្ចេញមតិរិះគន់ និងជេរប្រមាថ ដោយប្រើពាក្យមិនសមរម្យលើ Engfa តាមរយៈការផ្សាយផ្ទាល់មួយ លោក Nawat Isarakraisil ស្ថាបនិក Miss Grand Thailand សម្ដែងការ​មិន​ពេញចិត្ត ព្រមទាំងដាក់ពាក្យបណ្ដឹងជំនួសសាមីខ្លួន ដើម្បីចាត់វិធានការផ្លូវច្បាប់។

ថ្មីៗនេះ លោក Nawat បាននាំយកភស្តុតាងទៅរាយការណ៍ករណីរបស់ Engfa ដល់ប៉ុស្តិ៍ប៉ូលិស ដើម្បីប្ដឹងអ្នកបរិហារកេរ្តិ៍ទៅលើអតីតបវរកញ្ញារបស់ខ្លួនថា នាងជាស្ត្រីពេស្យា។ បន្ថែមពីលើពាក្យបណ្ដឹង លោកបានប្ដឹងទាមទារសងជំងឺចិត្តចំនួន ៣ម៉ឺនបាត​ផងដែរ។

លោក ណាវ៉ាត់ ផ្ដល់បទសម្ភាសន៍ថា លោកមិនសុខចិត្តនោះទេចំពោះទង្វើអសីលធម៌របស់អ្នកប្រើប្រាស់បណ្ដាញសង្គមមួយចំនួន ដែលហ៊ានជេរប្រមាថពាក្យអសុរោះ ខ្វះសុជីវធម៌ទៅលើ Engfa ស្របពេលដែលសាមីខ្លួនមិនទាន់ចេញមុខនិយាយអ្វីនៅឡើយ។

ពេលនេះនាយកដ្ឋានបច្ចេកវិទ្យាកំពុងស្រាវជ្រាវអត្តសញ្ញាណ និងទីតាំងជនបង្កនោះ ដើម្បីចេញដីកាមកសួរនាំ៕

ប្រែសម្រួល៖ សន្យា

ចុចអាន៖ Matt ជូនពរអតីតមិត្តប្រុស Songkran មានសុភមង្គលជាមួយអ្នកថ្មី