ម៉ូដសំលៀកបំពាក់ចុងក្រោយរបស់ម៉ាកយីហោ Calvin Klein ដែលមានការចូលរួមសហការណ៍រចនាម៉ូដពី Jennie សមាជិក Blackpink លក់ដាច់ភ្លាមៗ បន្ទាប់ពីបើកដំណើរការបានតែប៉ុន្មាននាទីនៅលើគេហទំព័រផ្លូវការ ហើយគេហទំព័ររបស់ក្រុមហ៊ុនបានគាំងដោយសារតែមានអ្នកទិញច្រើនពេក ។

កាលពីថ្ងៃទី ១០ ខែឧសភា យីហោ Calvin Klein បានរៀបចំព្រឹត្តិការណ៍ណែនាំការប្រមូលផ្តុំម៉ូដសំលៀកពាក់ថ្មីៗនិងចុងក្រោយគេបង្អស់ ដោយបានភ្ជាប់ជាមួយទូតសុឆន្ទៈសកល Jennie សមាជិក Blackpink ដែលប្រព្រឹត្តទៅនៅទីក្រុងសេអ៊ូល ប្រទេសកូរ៉េ។ ព្រឹត្តិការណ៍នេះបានទាក់ទាញប្រព័ន្ធ ផ្សព្វផ្សាយ និងការចាប់អារម្មណ៍ពីសាធារណជន ជាមួយនឹងវត្តមានរបស់ទូតសុឆន្ទៈសកលល្បីៗទាំងពីរូបរបស់ម៉ាកយីហោនេះ Jennie និង Jungkook ព្រមទាំងភ្ញៀវរាប់រយនាក់ទូទាំងអាស៊ី អឺរ៉ុប-អាមេរិក ។

នេះជាព្រឹត្តិការណ៍ពិសេសមួយសម្រាប់ Jennie ដែលជាលើកដំបូងរបស់នាងដែលក្លាយជាអ្នករចនាម៉ូដ Calvin Klein។ តារាស្រីរូបនេះបានសហការជាមួយម៉ាកយីហោដើម្បីរចនាម៉ូដសំលៀកបំពាក់ដែលមានកំណត់ រួមទាំងផលិតផលជាច្រើនប្រភេទដូចជា ខោ ខោខូវប៊យ អាវ អាវយឺត អាវយឺត សំពត់ជាដើម ដែលជាការរចនាតាមស្ទីលច្នៃប្រឌិតរបស់ Jennie ។

យីហោ Calvin Klein បានដាក់ លក់ជាផ្លូវការនូវម៉ូដសំលៀកបំពាក់ “Jennie for Calvin Klein” គួរកត់ សម្គាល់ថាបន្ទាប់ពីបើកលក់បានតែប៉ុន្មាននាទីប៉ុណ្ណោះ ម៉ូដសំលៀកបំពាក់ស្ទើរតែទាំងអស់ត្រូវបាន “លក់អស់” នៅលើគេហទំព័រផ្លូវការរបស់ Calvin Klein ។

យ៉ាងណាមិញ នៅក្នុងប្រទេស/តំបន់មួយចំនួនដូចជា កូរ៉េ ជប៉ុន ម៉ាឡេស៊ី សិង្ហបុរី តៃវ៉ាន់ ហុងកុង (ចិន) គេហទំព័ររបស់ Calvin Klein បានគាំងដោយសារតែចំនួនអ្នកទស្សនាច្រើនពេក។ ប្រទេសខ្លះ ទៀតមានការលំបាកក្នុងការបញ្ជាទិញ ព្រោះគេហទំព័រមិនមានស្ថិរភាព ៕

ប្រែសម្រួល៖នាងតូច