Jennie នឹងចូលរួមមហោស្រពភាពយន្ត Cannes លើកទី ៧៦ នៅក្នុងប្រទេសបារាំង

ខាងផលិតកម្ម YG Entertainment បានប្រកាសនិងបញ្ជាក់ព័ត៌មានដោយផ្ទាល់ឲ្យដឹងថា Jennie សមាជិកក្រុម BLACKPINK នឹងចូលរួមដើរលើកម្រាលព្រំក្រហមនៅឯមហោស្រពភាពយន្ត Cannes លើកទី ៧៦ នៅក្នុងប្រទេស បារាំង ។

កាលពីថ្ងៃទី ១១ ខែឧសភា ផលិតកម្ម YG Entertainment បាននិយាយថា “Jennie សមាជិកក្រុម BLACK PINK នឹងចូលរួមមហោស្រពភាពយន្ត Cannes នៅថ្ងៃទី ២២ ខែឧសភា”។ កន្លងមកមហោស្រពភាពយន្ត Cannes លើកទី ៧៦ បានប្រកាសថា រឿងភាគ “The Idol” នឹងត្រូវចាក់បញ្ចាំងក្នុងមហោស្រពសម្រាប់ជាប្រភេទខ្សែភាពយន្ត Uncompetitive ប៉ុន្តែទោះជាយ៉ាងណា Jennie នឹងចូលរួមឬអត់នោះ នៅមិនទាន់សម្រេចចិត្តនៅឡើយទេ ។

ជាពិសេស Jennie បានបង្ហាញខ្លួននៅក្នុងរឿងភាគរបស់អាមេរិក ‘The Idol’ របស់ទូរទស្សន៍ HBO ដែលដឹកនាំដោយលោក Sam Levinson ហើយការចូលរួមសម្តែងជាមួយតារាល្បីៗជាច្រើនដូចជា The Weeknd, Lily-Rose Depp និង Troye Sivan ។ ទទ្ទឹមនឹងនេះសាច់រឿងនេះបាននិយាយទាក់ទងនឹងទំនាក់ទំនងទាំងអស់ជុំវិញតារាប៉ុបម្នាក់ដែលកំពុងតែល្បី និងរឿងរ៉ាវនៃពិភពនៃឧស្សាហកម្មតន្ត្រី ។

ដោយឡែក យោងទៅតាមការរបាយការណ៍បានឲ្យដឹងថាខ្សែភាពយន្ត “The Idol” នឹងចាក់ផ្តើមចាក់ផ្សាយនៅថ្ងៃទី ៤ ខែមិថុនា ជាផ្លូវការ។ ប៉ុន្តែនឹងចាក់បញ្ចាំងជាលើកដំបូងនៅមហោស្រពភាពយន្ត Cannes លើកទី ៧៦ នឹងប្រព្រឹត្តទៅចាប់ពីថ្ងៃទី ១៦ដល់២៧ ខែឧសភា ៕

ប្រែសម្រួល៖នាងតូច

ចុចអាន៖ទម្លាយមូលហេតុមិត្តភាពរវាង Selena Gomez និងមិត្តបរិច្ចាគក្រលៀន ឈានដល់ការខឹងសម្បារគ្នា