ជីវិតកម្សាន្ដ

លីវ ជីលី ប្រកាសថា នាងខិតខំក្នុងវិស័យបវរកញ្ញានេះជាលើកចុងក្រោយហើយ

បានផុស

២ years មុន

នៅ

ថ្ងៃសៅរ៍ ១៣ ឧសភា ២០២៣

ដោយ

កញ្ញា លីវ ជីលី កាលពីថ្មីៗនេះទើបតែឈ្នះមកុដមួយថែមទៀត ជាក្តីមោទនៈក្នុងការប្រឡង Miss Supranational Cambodai 2023។ ប៉ុន្តែសម្រាប់ជ័យលាភីក៏មានការសាទរ និងមតិមួយចំនួនទៀតហាក់មិនពេញចិត្តនាំឲ្យផ្ទុះការវែកញែក ហើយរិះគន់លើនាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងបើតាមកត់សម្គាល់បវរកញ្ញា លីវ ជីលី ក្រោយការប្រឡងចប់កម្មវិធីខាងលើ នាងហាក់មិនសូវទទួលបានសំឡេងគាំទ្រច្រើនពីទស្សនិកជន ឬ អ្នកគាំទ្រវិស័យមួយនេះទេ នៅពេលនាងត្រូវប្រកាសក្លាយជាម្ចាស់មកុដ Miss Supranational Cambodai 2023។ ក្នុងនោះមានការលើកឡើងថា កម្មវិធីមួយនេះ ហាក់មានការលំអៀង ឬជាការប្រកាន់បក្ខពួក និងខ្សែជាដើម។

ដោយឡែកសុខៗស្រាប់តែបវរកញ្ញា លីវ ជីលី បានចេញមកប្រកាសយ៉ាងភ្ញាក់ផ្អើលថា នាងខិតខំក្នុងវិស័យបវរកញ្ញានេះជាលើកចុងក្រោយហើយ។ លីវ ជីលី បានរៀបរាប់ថា «ខ្ញុំខិតខំក្នុងវិស័យបវរកញ្ញាមួយនេះជាលើកចុងក្រោយហើយ ចំណាយទៅលើពេលវេលា ថវិកា ការតស៊ូ អត់ធ្មត់ ប្រឹងប្រែង រឹងមាំ ក្លាហាន ជម្នះគ្រប់ឧបសគ្គ គឺដើម្បីប្រជាជនកម្ពុជា និងប្រទេសកម្ពុជា គោលដៅរបស់ខ្ញុំគឺចង់ឲ្យប្រទេសខ្ញុំរីកចម្រើនគ្រប់វិស័យ»។

កញ្ញា លីវ ជីលី បានលើកឡើងទៀតថា «នេះជាផ្នត់គំនិត និងមហិច្ឆតារបស់នាងខ្ញុំ តែសូមសំណូមពរដល់បងប្អូនយើងនៅក្នុងសិល្បៈជំនាន់ក្រោយ ត្រូវចេះស្រលាញ់គ្នា រៀនបើកចិត្ត កុំឫកពាខ្មឺតមានតែឯង ត្រូវចេះស្រលាញ់គ្នា យោគយល់គ្នា រួបរួមគ្នា ចែករំលែកបទពិសោធន៍ជូនគ្នាទៅវិញទៅមក ហើយយើងត្រូវតែព្យាយាមធ្វើជាទឹកកន្លះកែវ ដូចពាក្យសុភាសិតមួយតែងពោលថា (ងើយស្កក ឱនដាក់គ្រាប់) ទោះថ្ងៃនេះយើងមិនជោគជ័យ នៅមានថ្ងៃក្រោយពេលដែលយើងតស៊ូ យើងនឹងទទួលបានជោគជ័យជាមិនខាន បំណងល្អពីនាងខ្ញុំ»។

គួររម្លឹកថា ម្ចាស់មកុដ Miss Grand Cambodia ២០២០ កញ្ញា លីវ ជីលី ដូចដែលមហាជន និងអ្នកគាំទ្រ បានដឹងហើយថា កាលពីកន្លងទៅ នាងបានប្រកាសចូលរួមប្រកួតកម្មវិធី Miss Supranational Cambodia២០២៣ ហើយទីបំផុតកាលពីថ្ងៃទី ០១ ខែមេសា ឆ្នាំ ២០២៣ ថ្មីៗនេះ នាងក៏បានសម្រេចក្តីស្រមៃរបស់ខ្លួនថែមទៀត គឺដណ្តើមបានជ័យជំនះដោយឈ្នះមកុដនៅក្នុងការប្រកួតមួយនេះ៕

អត្ថបទ ៖ ចាន់រ៉ា