ជីវិតកម្សាន្ដ

ស៊ីន យូប៊ីន ស៊ូកាន់ឈើច្រត់ដើរលើកម្រាលព្រំក្រហមមហោស្រពភាពយន្តពិភពលោក នៅបារាំង

បានផុស

១ year មុន

នៅ

ថ្ងៃព្រហស្បតិ៍ ១៨ ឧសភា ២០២៣

ដោយ

កញ្ញា ស៊ីន យូប៊ីន ត្រូវបានគេដឹងថា នាងជាតារាស្រីដែលមានរូបសម្រស់ស្រស់ស្អាត និងមានសមត្ថភាពក្នុងការងារសម្ដែង ទាំងប្រភេទរឿងភាគ ,រឿងដុំ ,ថតបទចម្រៀង ,និងការផ្សាយពាណិជ្ជកម្មជាដើម។ មិនត្រឹមតែជាតារាមានឈ្មោះល្បី កញ្ញា ស៊ីន យូប៊ីន ក៏មានភាពជោគជ័យខ្លាំងលើការងារជំនួញផ្ទាល់ខ្លួនទាំងក្មេងវ័យ ស្ទើរតែមិនគួរឲ្យជឿ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះភាពជោគជ័យរបស់តារាស្រីកូនកាត់កញ្ញា ស៊ីន យូប៊ីន នេះ កើតចេញពីការតាំងចិត្តខ្ពស់ ការតស៊ូជម្នះរាល់ឧបសគ្គទាំងឡាយដែលទទួលបានការលើកទឹកចិត្ត និងគាំទ្រពីមហាជនទូទៅ។ រឿងដែលស្ងើចសរសើរទៀតនោះ បន្ទាប់ពីឃើញការចែករំលែកវីដេអូ និងរូបភាពបង្ហាញសកម្មភាពដែលនាងចូលរួមក្នុងកម្មវិធីដើរលើកម្រាលព្រំក្រហមក្នុងមហោស្រពភាពយន្តលើកទី ៧៦ នាប្រទេសបារាំង ដែលមានតារាល្បីៗ ជុំវិញពិភពលោកចូលរួមផងដែរ។

ក្នុងការបង្ហាញវត្តមាននៅលើកម្រាលព្រំក្រហមនោះ ស្រីស្អាត ស៊ីន យូប៊ីន ហាក់ខុសប្លែកពីតារាផ្សេងទៀត ដោយសារក្នុងដៃរបស់នាងមានកាន់ឈើច្រត់មកជាមួយ ព្រោះនាងទើបតែមានរបួសជើងកាលពីថ្មីៗ ដែលតម្រូវឲ្យនាងសម្រាកព្យាបាលមួយរយៈសិន ប៉ុន្តែដោយការស្រលាញ់ និងឆន្ទៈការងារខ្ពស់ ទើប យូប៊ីន បន្តការងារទាំងខ្លួននៅមានរបួស។

ស្របពេលជាមួយគ្នានេះក៏មានការបង្ហោះលើកទឹកចិត្តកញ្ញា ស៊ីន យូប៊ីន លាយឡំក្ដីរំភើបជាមួយការតាំងចិត្តរបស់នាងថា ពិតជាអស្ចារ្យពេកហើយ គ្រប់គ្នាពិតជាកោតសរសើរជាមួយការតស៊ូរបស់ ស៊ីន យូប៊ីន។ មានការលើកឡើងថា តារាល្បីៗទូទាំងពិភពលោកតែងតែចង់ដើរលើកម្រាលព្រំក្រហម ក្នុងកម្មវិធីមហោស្រពភាពយន្តពិភពលោក ទីក្រុងកាន ប្រទេសបារាំង។

កញ្ញា ស៊ីន យូប៊ីន គឺជាតារាស្រីខ្មែរដំបូងគេដែលបានដើរលើកម្រាលព្រំក្រហមមហោស្រពភាពយន្តពិភពលោកទីក្រុងកាន ប្រទេសបារាំង នាឆ្នាំ ២០២៣ នេះ។ គាត់មានការតាំងចិត្តខ្ពស់ តស៊ូជម្នះឧបសគ្គទាំងឡាយ ដើម្បីនាំមកនូវមោទនភាពសម្រាប់សិល្បៈភាពយន្តខ្មែរ៕

អត្ថបទ ៖ ចាន់រ៉ា