មកស្គាល់សេដ្ឋីវ័យក្មេងអាយុក្រោម ២០ ឆ្នាំទាំង ១០ នៅលើពិភពលោក

ភាគច្រើនមហាសេដ្ឋីដែលយើងធ្លាប់ស្គាល់មានអាយុយ៉ាងតិចណាស់ក៏ចាប់ពី ២០ ឆ្នាំឡើងទៅដែរ ហើយបើមើលពីទ្រព្យសម្បត្តិវិញនោះ ក៏កប់ក្ដោងផងដែរ ដោយសារតែសមត្ថភាព និងកេរ្តិ៍ឈ្មោះល្បីល្បាញរបស់ពួកគេ ។

ប៉ុន្តែពេលនេះ “កម្ពុជាថ្មី” នឹងនាំអារម្មណ៍ប្រិយមិត្តមកស្គាល់សេដ្ឋីវ័យក្មេងទាំង ១០ ដែលមានអាយុក្រោម ២០ ឆ្នាំវិញម្ដង ៖

១. Valentina Pinault មានទ្រព្យសម្បត្តិ ៧.១ ពាន់លានដុល្លារ

Valentina ជាក្មេងស្រីអាយុ ១៥ ឆ្នាំប៉ុណ្ណោះ ប៉ុន្តែនាងក្លាយជាក្មេងជំទង់មានជាងគេបង្អស់លំដាប់លេខ ១ ដោយសារមានម្ដាយជាតារាសម្ដែង និងឪពុកជាមហាសេដ្ឋីប្រាក់ពាន់លានដុល្លារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. Joelle Joanie Siwa មានទ្រព្យសម្បត្តិ ២០ លានដុល្លារ

ក្មេងៗភាគច្រើនស្គាល់នាងថា JoJo Siwa ដែលល្បីខ្លាំង បន្ទាប់ពីការធ្វើវីដេអូ YouTube សម្រាប់កុមារទស្សនា បច្ចុប្បន្ននាងមានអាយុ ២០ ឆ្នាំហើយ ប៉ុន្តែ JoJo អាចរកលុយបានតាំងពីអាយុ ៩ ឆ្នាំមកម្ល៉េះ ។

៣. Charli D’Amelio មានទ្រព្យសម្បត្តិ ២០ លានដុល្លារ

ពេល Charli អាយុ ១៨ ឆ្នាំ នាងបានល្បីឈ្មោះក្នុង TikTok ដោយសារការរាំលេងកម្សាន្ត និងមានអ្នកតាមដានដល់ទៅ ១៤៩ លាននាក់ឯណោះ ។

៤. Danielle Bregoli មានទ្រព្យសម្បត្តិ ២០ លានដុល្លារ

Danielle Bregoli មានរហ័សនាមថា Bhad Bhabie នាងចាប់ផ្ដើមល្បីបន្ទាប់ពីការបង្ហាញខ្លួននៅក្នុងកម្មវិធី Dr. Phil នៅឆ្នាំ ២០១៦ មកដល់ពេលនេះ Danielle មានអាយុ ២០ ឆ្នាំគត់ ។

៥. Millie Bobby Brown មានទ្រព្យសម្បត្តិ ១៤ លានដុល្លារ

ទោះបីតួអង្គក្នុងរឿង “Stranger Things” ដែលទើបនឹងភ្ជាប់ពាក្យថ្មីៗនេះ មានអាយុ ១៩ ឆ្នាំមែន ប៉ុន្តែ Millie មានបទពិសោធន៍ការងារ ១០ ឆ្នាំមកហើយ ។

៦. Noah Schnapp មានទ្រព្យសម្បត្តិ ៣ លានដុល្លារ

តួអង្គ Will ក្នុងរឿង “Stranger Things” រូបនេះ ជាមិត្តភ័ក្ដិជាមួយ Millie Bobby Brown ។ Noah មានអាយុ ១៨ ឆ្នាំ ថែមទាំងធ្លាប់ឈ្នះពានរង្វាន់ Screen Actors Guild ទៀតផង ។

៧. McKenna Grace មានទ្រព្យសម្បត្តិ ២ លានដុល្លារ

ក្មេងស្រីវ័យ ១៦ ឆ្នាំខាងលើ ធ្លាប់សម្ដែងបានយ៉ាងតិច ៣១ រឿងតួយ៉ាងដូចជា “Crash & Bernstein, The Young and the Restless, និង Fuller House ជាដើម” ។

៨. Mia Talerico មានទ្រព្យសម្បត្តិ ១.៥ លានដុល្លារ

Mia ចាប់ផ្ដើមថតរឿងតាំងពីនៅជាទារកអាយុ ១១ ខែគឺ “Good Luck Charlie” ទើបអាចរកប្រាក់ចំណូលបានច្រើនទាំងវ័យក្មេងយ៉ាងនេះ ។

៩. Wyatt Oleff មានទ្រព្យសម្បត្តិ ១ លានដុល្លារ

Wyatt វ័យ ១៩ ឆ្នាំ ល្បីបំផុតក្នុងរឿង “I Am Not Okay With This, Guardians of the Galaxy, និង Guardians of the Galaxy Vol. 2” ។

១០. Suri Cruise មានទ្រព្យសម្បត្តិ ៥០ ម៉ឺនដុល្លារ

ម្ដាយរបស់ Suri ក្មេងស្រីអាយុ ១៧ ឆ្នាំ គឺ Katie Holmes ដែលមានទ្រព្យសម្បត្តិ ២៥ លានដុល្លារ និងឪពុកឈ្មោះ Tom Cruise ដែលមានទ្រព្យសម្បត្តិប្រហែល ៦០០ លានដុល្លារ ។

យោងតាមបញ្ជីខាងលើបង្ហាញឲ្យដឹងថា សូម្បីក្មេងៗក៏អាចក្លាយជាសេដ្ឋីដោយសមត្ថភាពបានដែរ និងមិនស្ថិតនៅលើសំណាង ឬកេរមរតកទាំងស្រុងឡើយ ៕

ប្រែសម្រួល ៖ វារី

ចុចអាន ៖ អ្នកមានឥទ្ធិពលលើអ៊ីនធឺណិតទាំង ១០ ស៊ីថ្លៃជាងគេសម្រាប់ការបង្ហោះ Instagram