Jisoo តេស្តវិជ្ជមានកូវីដ ក្រោយវិលពីការប្រគំតន្ត្រីនៅថៃវិញ

Jisoo សមាជិកក្រុម BLACKPINK នឹងខកខានកម្មវិធីនាពេលខាងមុខរបស់ក្រុមនៅជប៉ុន បន្ទាប់ពីបានធ្វើតេស្តវិជ្ជមានកូវីដ១៩ ក្រោយវិលមកពីប្រគំតន្ត្រីក្នុង​ប្រទេសថៃ​ប៉ុន្មាន​ថ្ងៃមុន។

ផលិតកម្ម YG Entertainment បាននិយាយថា Jisoo ត្រូវបានគេធ្វើរោគវិនិច្ឆ័យ​ថាមានផ្ទុកមេរោគ​កាលពី​ថ្ងៃព្រហស្បតិ៍ ពីរ​ថ្ងៃបន្ទាប់ពីបង្ហាញរោគសញ្ញាត្រជាក់ស្រាល និងចេញមក​អវិជ្ជមាន​ក្នុងការធ្វើ​តេស្ត​ខ្លួនឯង

ជាមួយគ្នានេះដែរ ក្រុម BLANKPINK គ្រោងនឹង​សម្តែង​នៅទីក្រុង Osaka ប្រទេសជប៉ុន នៅថ្ងៃសៅរ៍និងថ្ងៃអាទិត្យ ជាផ្នែកនៃដំណើរ​ទេសចរណ៍ពិភពលោករបស់ខ្លួន។ ទោះយ៉ាងណាក៏ដោយ​ ក្រុមនេះនឹងបន្តទៅមុខ​ជាមួយ​សមាជិកបី​នាក់ដែល​នៅ​សល់​គឺ Jennie, Lisa និង Rose ។

YG និយាយបន្ថែមចុងក្រោយទៀតថា “Jisoo ពិតជាចង់​សម្តែងក្នុងកម្មវិធីដើម្បីរក្សាការសន្យារបស់នាង​ជាមួយអ្នកគាំទ្រ​របស់នាង ប៉ុន្តែ​ទីបំផុតពួកយើងបានសម្រេចចិត្តប្រឆាំងនឹងវាដើម្បីសុខភាព និងសុវត្ថិភាពរបស់​សិល្បករ និង​អ្នកផ្សេងទៀត” ៕

ប្រែសម្រួល៖ សាង ស្រីល័ក្ខ

ចុចអាន៖សមាជិក ៣ នាក់នៃក្រុម EXO បញ្ចប់កុងត្រាមុនកាលកំណត់ជាមួយ SM