សមាជិក ៣ នាក់នៃក្រុម EXO បញ្ចប់កុងត្រាមុនកាលកំណត់ជាមួយ SM

Baekhyun, Xiumin, និង Chen សមាជិកក្រុម EXO បានដាក់ពាក្យសុំការបញ្ចប់កិច្ចសន្យាមុខកាលកំណត់ជាមួយផលិតកម្ម SM Entertainment ហេតុផលដែលបានផ្តល់ឱ្យគឺថាក្រុមហ៊ុនបំពានច្បាប់កិច្ចសន្យាជាមួយនឹងភាពអយុត្តិធម៌ជាបន្តបន្ទាប់ទាក់ទងនឹងបញ្ហា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងទៅតាមក្រុមហ៊ុនច្បាប់ LIN សមាជិក EXO ទាំងបីបានដាក់សំណើសរុបចំនួន ៧ សម្រាប់ឯកសារដែលរៀបរាប់អំពីប្រាក់ចំណូល និងការបង់ប្រាក់របស់សិល្បករទាំងបីចាប់ពីខែ មីនា ដល់ ខែ ឧសភា។ ដោយជឿថាមានទិដ្ឋភាពបញ្ហានៃប្រាក់ចំណូលរបស់ពួកគេ Baekhyun, Xiumin និង Chen បានជ្រើសរើសស្នើសុំកំណត់ត្រាច្បាស់លាស់ និងតម្លាភាពនៃការគណនាប្រាក់ចំណូលរបស់ក្រុមហ៊ុន ដែលជាសិទ្ធិជាមូលដ្ឋានក្នុងនាមជាសិល្បករ ។

លើសពីនេះក្រុមហ៊ុនច្បាប់ LIN បាននិយាយថា SM Entertainment បានបង្ខំសិល្បកររបស់ខ្លួនចុះកិច្ចសន្យាក្នុងរយៈពេលវែងសរុបពី ១២ ដល់ ១៣ ឆ្នាំ បន្ទាប់មកថ្មីៗនេះបានទាមទារឱ្យសិល្បករបន្តកិច្ចសន្យាមុនពេលកំណត់យ៉ាងហោចណាស់ពី ១៧ ដល់ ១៨ ឆ្នាំ។ សិល្បករទាំងអស់ជឿថា តាមរយៈអំណាចនិងឋានៈរបស់ខ្លួនជាភ្នាក់ងារកម្សាន្តដ៏សំខាន់ SM Entertainment បាបបង្ខំសិល្បកររបស់ខ្លួនចុះលើកិច្ចសន្យានេះ ដោយបំពានច្បាប់ដែលមានស្រាប់ជុំវិញកិច្ចសន្យានៅក្នុងឧស្សាហកម្មកម្សាន្ត។

លក្ខខណ្ឌនៃកិច្ចសន្យាត្រូវបានចាត់ទុកថាមិនយុត្តិធម៌ ដោយបំពានលើច្បាប់បច្ចុប្បន្នជុំវិញកិច្ចសន្យាផ្តាច់មុខនៅក្នុងឧស្សាហកម្មកម្សាន្ត K POP ។ ដូច្នេះហើយទើបអ្នកសិល្បៈជាច្រើនបានសម្រេចចិត្តចាត់វិធានការតាមផ្លូវច្បាប់ចំពោះកិច្ចសន្យាមួយនេះ ដោយក្លាយតារា K POP ផ្សេងទៀតស្ថិតនៅក្រោម ក្រុមហ៊ុនដែលមានកិច្ចសន្យាដូចៗគ្នាបែបនេះ ៕

ប្រែសម្រួល៖នាងតូច

ចុចអាន៖ប៉ូលិសថៃចាប់ឃុំខ្លួនយុវតីម្នាក់ ពាក់ព័ន្ធការឆបោកលក់សំបុត្រប្រគំតន្ត្រីរបស់ Blackpink