ជំនួយការរបស់ Angelababy បដិសេធពាក្យចចាមអារ៉ាមថានាងមានស្នេហា

ជំនួយការរបស់ AngelaBaby បានផ្តល់សេចក្តីថ្លែងការណ៍សង្ខេបអំពីពាក្យចចាមអារ៉ាមអំពីទំនាក់ទំនងស្នេហាថ្មីរបស់នាង ក្រោយមានការបែកធ្លាយវីដេអូឃ្លីបមួយបង្ហាញថាតារាស្រីរូបនេះ នៅជាមួយមិនស្គាល់អត្តសញ្ញាណម្នាក់នៅលើអ៊ីនធឺណិត ។

ថ្មីៗនេះ Angela Baby កំពុងតែមានពាក្យចចាមអារ៉ាមពាក់ព័ន្ធទំនាក់ទំនងស្នេហាថ្មី បន្ទាប់ពីវីដេអូឃ្លីបមួយត្រូវបានចែកចាយពេញបណ្តាញសង្គម នៅក្នុងវីដេអូ បុរសមិនស្គាល់អត្តសញ្ញាណម្នាក់ បង្ហាញខ្លួននៅក្នុងរថយន្តរបស់ AngelaBaby ។ ពួកគេបានទៅផ្ទះជាមួយគ្នាបន្ទាប់ពីញ៉ាំអាហារ នៅហាងហតផតមួយកន្លែង ដោយអ្នកបង្ហោះរូបនេះបានបង្ហាញថាគាត់ជាមិត្តប្រុសថ្មីរបស់ AngelaBaby ។

ប្រភពមិនបញ្ចេញឈ្មោះផ្សេងទៀតក៏បាននិយាយដែរថា បុរសរូបនេះបានបង្ហាញខ្លួនក្នុងកម្មវិធីខួបកំណើតរបស់តារាស្រីរូបនេះ។ បន្ទាប់ពីព័ត៌មានល្បីៗបានផ្សព្វផ្សាយអំពីរឿងនេះ ជំនួយការរបស់ AngelaBaby បានបដិសេធពាក្យចចាម អារ៉ាមនេះ ហើយបាននិយាយថានាងនៅលីវនិងគ្មានទំនាក់ទំនងស្នេហាទេនៅពេលបច្ចុប្បន្ននេះ ។

យ៉ាងណាមិញ ក្រោយពីលែងលះជាមួយតារាសម្ដែងចិន Huang XiaoMing តារាសម្ដែងស្រីហុងកុង រូបនេះបានផ្ដោតទៅលើចំពោះអាជីពរបស់នាង។ ក្រៅពីគម្រោងថតរឿងមួយចំនួន នាងក៏សកម្មក្នុងកម្មវិធីកម្សាន្តដូចការបង្ហាញមុខក្នុងព្រឹត្តិការណ៍ល្បីៗនៃម៉ាកយីហោ Fendi និង Tiffany & Co ក៏ដូច ជា ថ្មីៗនេះនាងបានបង្ហាញខ្លួននៅកម្មវិធី Bazaar Icons 2023 ផងដែរ ៕

ប្រែសម្រួល៖នាងតូច

ចុចអាន៖Lisa នៅតែជើងខ្លាំងលេខ ១ ជាឈ្មោះមានគេស្វែងរកច្រើនលើ Google