ជីវិតកម្សាន្ដ

Lisa នៅតែជើងខ្លាំងលេខ ១ ជាឈ្មោះមានគេស្វែងរកច្រើនលើ Google

បានផុស

២ years មុន

នៅ

ថ្ងៃចន្ទ ៥ មិថុនា ២០២៣

ដោយ

Lisa សមាជិកក្រុម BLACKPINK ត្រូវបានគេវិភាគថាជាតារាស្រី K-pop មានមានគេស្វែងរកច្រើនជាងបំផុតនៅឆមាសទីមួយនៃឆ្នាំ ២០២៣នៅលើ Google ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទិន្នន័យរបស់ Google បានឲ្យដឹងថា Lisa បានជាប់ចំណាត់ថ្នាក់កំពូលជាតារាស្រី K-pop ដែលត្រូវបានគេស្វែងរកច្រើនបំផុតក្នុងឆមាសទីមួយនៃឆ្នាំ ២០២៣ ជាពិសេសទិន្នន័យប្រមូលបានពីការវិភាគនិន្នាការរបស់ Google បង្ហាញថា Lisa បានកត់ត្រាចរាចរណ៍ស្វែងរកខ្ពស់បំផុតក្នុងចំណោម K-pop ជាតារាស្រីពីឆ្នាំ ២០១៧ ដល់ ២០២៣។

មកទល់នឹងពេលនេះ គណនី Instagram របស់សមាជិក្រុម BLACKPINK មានអ្នក Follow ដល់ទៅ ៩៤.៤៤ លាននាក់ ហើយចំនួនអ្នកតាមដាននេះជាប់ចំណាត់ថ្នាក់ទី ១ ក្នុងចំណោមតារា K-pop និងអ្នកកម្សាន្តទាំងអស់នៅក្នុងប្រទេស ខណៈនាងគឺជាតារាល្បីលំដាប់ទីបីនៅអាស៊ីផងដែរ។

លើសពីនេះ Lisa បានបង្កើតខ្លួនឯងជាសិល្បករមួយរូបដែលទទួលបានការស្រលាញ់យ៉ាងខ្លាំងទូទាំងពិភពលោក ជាមួយនឹងអ្នកចូលមើលជាង ១០៩ពាន់លានដងនៅលើ TikTok ។ ថ្វីត្បិតតែនាងមិនមានគណនី TikTok ផ្ទាល់ខ្លួនក៏ដោយ ប៉ុន្តែនាងបានបង្ហាញនូវភាពអស្ចារ្យរបស់ខ្លួនតាមរយៈការឈានដល់ជាង១០០ ពាន់លាន views ជាមួយនឹង hashtag តែមួយ ‘#lisa’ ដែលធ្វើឲ្យនាងក្លាយជាសិល្បករស្រីដំបូង និងតែមួយគត់នៅលើពិភពលោកសម្រេចបាននូវគោលដៅមួយនេះ៕