ជីវិតកម្សាន្ដ
ថ្ងៃខួបកំណើត ! លីវ ជីលី ជូនពរខ្លួនឯងទទួលបានជោគជ័យក្នុងការប្រកួតនៅប្រទេសប៉ូឡូញ
បន្ទាប់ពីក្លាយជាម្ចាស់មកុដ Miss Supranational Cambodia 2023 ស្រីស្អាត លីវ ជីលី ពេលនេះបាននិងកំពុងត្រៀមខ្លួនរួចជាស្រេចដើម្បីតំណាងឲ្យកម្ពុជាចេញទៅប្រកួតលើឆាកអន្តរជាតិនាពេលឆាប់ៗ ខាងមុខនេះ។

មុនពេលចេញទៅប្រកួត លីវ ជីលី បានត្រៀមខ្លួនរួចជាស្រេច និងធ្វើការហ្វឹកហាត់យ៉ាងសកម្មពោរពេញដោយភាពជឿជាក់ក្លាហានក្នុងនាមបវរកញ្ញាតំណាងឲ្យកម្ពុជាចូលរួមប្រកួតលើឆាកអន្តរជាតិនាពេលនេះ។ ក្នុងនោះ ក៏មានអ្នកគាំទ្រ និងលេងបណ្ដាញសង្គមហ្វេសប៊ុក បាននាំគ្នាលើកកម្លាំងចិត្តជូនពរឲ្យ កញ្ញា ជីលី ទទួលបានលទ្ធផលល្អក្នុងការប្រកួត។

ដោយឡែកបើងាកមកចាប់អារម្មណ៍នាថ្ងៃខួបកំណើតរបស់បវរកញ្ញារូបនេះ នាងបានបញ្ចេញសារដ៏មានអត្ថន័យ ហើយក៏ជូនពរខ្លួនឯងទទួលបានជោគជ័យក្នុងការប្រកួតនៅប្រទេសប៉ូឡូញឆាប់ៗនេះដែរ។ កញ្ញា លីវ ជីលី បាននិយាយថា «រីករាយថ្ងៃខួបកំណើតរបស់នាងខ្ញុំ ០៦.០៦.២០២៣ ជូនពរខ្លួនឯងទទួលបានជោគជ័យគ្រប់ភារកិច្ច លុយចូលច្រើនៗ ជាពិសេសទៅប្រកួតនៅ Poland សូមឲ្យបានជោគជ័យ»។

បវរកញ្ញា លីវ ជីលី បាននិយាយទៀតថា «អរគុណខ្លួនឯងដែលរឹងមាំកន្លងមក ហើយជាចុងក្រោយអរគុណទៅកាន់បងប្អូនទាំងអស់ដែលជូនពរ ជីលី តាមឆាតផង ផុស Facebook ផង អរគុណខ្លាំងមែនទែនសម្រាប់ការស្រលាញ់មួយនេះ បើគ្មានការគាំទ្រ គ្មានការស្រលាញ់ពីបងប្អូន ជីលី គ្មានថ្ងៃនេះទេ»។

ជាការពិតណាស់ លីវ ជីលី គឺជាបវរកញ្ញាតំណាងកម្ពុជាដែលត្រូវបានជ្រើសរើសចូលរួមក្នុងការប្រកួតលើឆាកអន្តរជាតិ Miss Supranational2023 នៅប្រទេសប៉ូឡូញ ក្នុងឆ្នាំនេះ។ ការចេញទៅប្រកួតនេះ នឹងនាំយកប្រទេសកម្ពុជា ទង់ជាតិរបស់កម្ពុជា វប្បធម៌ និងអរិយធម៌ដ៏ស្រស់ផូរផង់របស់កម្ពុជា ទៅបង្ហាញលើឆាកអន្តរជាតិផងដែរ៕
អត្ថបទ ៖ ចាន់រ៉ា


-
ព័ត៌មានជាតិ៧ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានជាតិ៥ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ១ សប្តាហ៍ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានអន្ដរជាតិ៧ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៥ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានជាតិ៥ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
សន្តិសុខសង្គម៣ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៤ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ