Jennie អាចលេចមុខជាតួសំខាន់ម្នាក់ ក្នុងខ្សែភាពយន្តរបស់ Marvel

កាលពីថ្ងៃទី៨ ខែមិថុនា ប្រព័ន្ធផ្សព្វផ្សាយកូរ៉េខាងត្បូង Dispatch បានចែករំលែកនូវពាក្យចចាមអារ៉ាមមួយថា តារាចម្រៀង Jennie សមាជិកក្រុម BLACKPINK អាចនឹងបង្ហាញខ្លួនជាតួសំខាន់ម្នាក់ក្នុងខ្សែភាពយន្តថ្មីរបស់ស្ទូឌីយោ Marvel ។

យោងតាមការចុះផ្សាយរបស់ Dispatch បានអះអាងថា Jennie អាចនឹងបង្ហាញខ្លួនជាលើកដំបូងនៅក្នុងចក្រវាល Marvel ជាតួ Seol Hee ឬកំពូលវីរនារី Luna Snow ក្នុងខ្សែភាពយន្តរឿង The Agents of Atlas ។ តួអង្គ Luna Snow ជាតួអង្គដែលមានថាមពលពិសេសពីទឹកកក ហើយនាងនឹងប្រើថាមពលពិសេសរបស់ខ្លួនដើម្បីការពារមនុស្សជុំវិញពិភពលោក ហើយ Jennie អាចនឹងបង្ហាញខ្លួនជាតួសំខាន់មួយនេះ។

តាមសេចក្តីរាយការណ៍ ដំណើរការនៃការផលិតរឿងកំពុងស្ថិតនៅក្នុងការពិភាក្សានៅឡើយ ចំណែកព័ត៌​មានផ្លូវការមិនទាន់មានការបញ្ជាក់ពី Jennie ឬស្ទូឌីយោ Marvel នោះទេ៕

ប្រែសម្រួល៖ សន្យា

ចុចអាន៖ បញ្ចាំងភាគដំបូង ខ្សែភាពយន្តរបស់ Jennie ទទួលមតិមិនពេញចិត្តលើឈុតអាសអាភាស

ចុចអាន៖ Lisa ខកចិត្តដែលអ្នកគាំទ្រយល់ច្រឡំលើស្នាមសាក់របស់នាង