កូរ៉េខាងត្បូងពង្រាយប៉ូលិសជាង ៦០០នាក់ ក្នុងព្រឹត្តិការណ៍ខួប ១០ឆ្នាំរបស់ BTS

ចំពេលនាយករដ្ឋមន្រ្តី Han Duck Soo អំពាវនាវឱ្យពង្រឹងវិធានការសុវត្ថិភាពក្នុងព្រឹត្តិការណ៍គម្រប់ខួប ១០ឆ្នាំរបស់ BTS ប៉ូលិសកូរ៉េខាងត្បូងបានដាក់ពង្រាយមន្ត្រីរបស់ខ្លួនជាង ៦០០នាក់ ដើម្បីការពារសុវត្ថិភាពមហាជនដែលចូលរួម។

នៅក្នុងព្រឹត្តិការណ៍គម្រប់ខួប ១០ឆ្នាំរបស់ BTS នាថ្ងៃស្អែកនេះ ក្រុមមន្ត្រីមហាផ្ទៃបានប្រកាសពីការដាក់ពង្រាយប៉ូលិសចំនួន ៦៣០នាក់ ដើម្បីធានាបាននូវការគ្រប់គ្រងចរាចរណ៍ និងសុវត្ថិភាពសម្រាប់អ្នកចូលរួមទាំងអស់។ ព្រឹត្តិការណ៍រំលឹកខួបនេះគ្រោងនឹងប្រារព្ធឡើងនៅឧទ្យាន Yeouido Han River Park ក្នុងទីក្រុងសេអ៊ូល ដែលកំពុងទាក់ទាញអ្នកគាំទ្រ BTS ប្រមាណជា ៣សែននាក់។

គួរបញ្ជាក់ថា ពិធីគម្រប់ខួបលើកទី ១០ របស់ BTS ដែលមានវត្តមាននៅក្នុងក្នុងពិភពតន្ត្រីកូរ៉េ បានចាប់ផ្តើមតាំងពីដើមសប្តាហ៍នេះមកម្ល៉េះ ហើយគ្រោងនឹងបញ្ចប់នៅថ្ងៃទី២៥ ខែមិថុនា ឆ្នាំ២០២៣៕

ប្រែសម្រួល៖ សន្យា

ចុចអាន៖ នាយករដ្ឋមន្រ្តី កូរ៉េខាងត្បូង បញ្ជាពង្រឹងវិធានការសុវត្ថិភាពក្នុងព្រឹត្តិការណ៍គម្រប់ខួប ១០ ឆ្នាំរបស់ BTS

ចុចអាន៖ គ្រាន់តែ V ប្ដូរពណ៌សក់ថ្មី ហ្វេនលើកគ្នាមកជជែកពេញបណ្ដាញសង្គម