Connect with us

ជីវិតកម្សាន្ដ

នាយករដ្ឋមន្រ្តី កូរ៉េខាងត្បូង បញ្ជាពង្រឹងវិធានការសុវត្ថិភាពក្នុងព្រឹត្តិការណ៍គម្រប់ខួប ១០ ឆ្នាំរបស់ BTS

បានផុស

នៅ

នាយករដ្ឋមន្រ្តីកូរ៉េខាងត្បូងលោក Han Duck-soo នៅថ្ងៃសុក្រនេះបានបញ្ជាចាត់វិធានការការពារសុវត្ថិភាពឲ្យបានហ្មត់ចត់ ខណៈដែលហ្វូងមនុស្សយ៉ាងច្រើនត្រូវបានគេរំពឹងថា នឹងមកចូលរួមក្នុងព្រឹត្តិការណ៍ ដែលជាខួបលើកទី ១០ របស់ក្រុម BTS នៅចុងសប្ដាហ៍នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍នេះគ្រោងនឹងប្រព្រឹត្តទៅនាយប់ថ្ងៃសៅរ៍នៅសួនច្បារក្បែរទន្លេ Han ក្នុងតំបន់ Yeouido នៃទីក្រុងសេអ៊ូល ហើយរំពឹងថា នឹងទាក់ទាញអ្នកគាំទ្រប្រមាណ ៣០ ម៉ឺននាក់នៅទូទាំងពិភពលោក ។ ព្រឹត្តិការណ៍ Festa គឺជាផ្នែកមួយនៃខួបលើកទី ១០ របស់ BTS ដើម្បីរំលឹកដល់ការឈានជើងចូលក្នុងវិថីសិល្បៈរយៈពេលមួយទសវត្សរ៍របស់ក្រុមនេះ ។

លោកនាយករដ្ឋមន្រ្តី បាននិយាយនៅក្នុងសេចក្តីប្រកាសព័ត៌មានថា “មនុស្សមួយចំនួនធំនឹងប្រមូលផ្តុំគ្នាក្នុងពេលតែមួយ ហើយព្រឹត្តិការណ៍នេះក៏នឹងរួមបញ្ចូលការបាញ់កាំជ្រួចផងដែរ ដូច្នេះត្រូវមានការអនុវត្តវិធានការចាំបាច់ដើម្បីកាត់បន្ថយហានិភ័យនៃគ្រោះថ្នាក់ដែលអាចកើតមានលើហ្វូងមនុស្ស” ។

ទន្ទឹមនោះ លោកនាយករដ្ឋមន្រ្តីក៏បានបញ្ជាឲ្យអាជ្ញាធរពាក់ព័ន្ធធ្វើការត្រួតពិនិត្យទីកន្លែងរៀបចំព្រឹត្តិការណ៍ ក៏ដូចជាការដឹកជញ្ជូនសាធារណៈ ខណៈដែលអ្នកចូលរួមភាគច្រើនរំពឹងថា នឹងប្រើប្រាស់រថយន្តក្រុង និងរថភ្លើងក្រោមដីដើម្បីត្រឡប់ទៅផ្ទះវិញ ។

គួរបញ្ជាក់ថា ព្រឹត្តិការណ៍ Festa ដែលជាខួបលើកទី ១០ របស់ BTS នឹងប្រារព្ធឡើងក្នុងទីក្រុងសេអ៊ូលរហូតដល់ថ្ងៃទី២៥ ខែមិថុនា នៅកន្លែងផ្សេងៗក្នុងរាជធានី ក្រោមពាក្យស្លោក “BTS presents everywhere” ។ ជាមួយគ្នានេះ ក៏នឹងមានការផ្តល់ជូននូវផ្ទាំងទស្សនីយភាពផ្សេងៗ រួមទាំងការបាញ់កាំជ្រួចជាដើម ៕

ប្រែសម្រួល៖នាងតូច

ចុចអាន៖V បង្កើតកំណត់ត្រាពិភពលោក មានអ្នកតាមដាន ៦០ លាននាក់នៅលើ Instagram

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៨ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៨ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៩ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម