អ្នកគាំទ្រជំរុញឱ្យ Matt ទាក់ទងនឹង Great ក្រោយឃើញពួកគេស្និទ្ធស្នាលគ្នាលើសពីមិត្ត

បន្ទាប់ពីប្រកាសបែកស្នេហ៍ជាមួយពោះម៉ាយហាយសូរ តារាសម្ដែង Matt Peeranee តែងត្រូវបានអ្នកគាំទ្រតាមបង្អាប់នឹងអ្នកនេះអ្នកនោះមិនឈប់ ព្រមទាំងធ្លាប់ដាក់ការសង្ស័យជាមួយបុរសមួយចំនួនដែលនាងបង្ហាញភាពសិ្នទ្ធស្នាលជាមួយ។

តួយ៉ាងថ្មីៗនេះ អ្នកគាំទ្របានចំអន់ផង ថែមទាំងជំរុញផង ឱ្យ Matt ទាក់ទងនឹងតារាសម្ដែង Great Warinthorn ក្រោយឃើញពួកគេហាក់ជិតដិតគ្នាលើសពីមិត្តភក្តិ។ បន្ទាប់ពីឃើញសារឆ្លើយឆ្លងគ្នាតាមរយៈខម្មិន (Comment) ប្រិយមិត្តរបស់តារាប្រុសស្រីទាំងពីរបានឌុកដាន់ពួកគេឱ្យសាកមើលចិត្តគ្នា ព្រោះពួកគេសុទ្ធតែនៅទំនេរដូចគ្នា។

តាមរយៈការខម្មិន Great បានបបួល Matt ថា “មកលេងបាល់ទាត់ទេ?” ស្រាប់តែ Matt ក៏តបទៅវិញភ្លាមថា “មិនដែលមានអ្នកណាញ៉ែស្រី បបួលគេឱ្យទៅលេងបាល់ទាត់អ៊ីចឹងទេ”​ ។ ដោយសារសម្ដីលេងសើចជាមួយគ្នាពីរបីឃ្លានេះ អ្នកគាំទ្រពិតជាចង់ឱ្យវាក្លាយទៅជាការពិត ត្បិតអ្នកទាំងពីរស្គាល់គ្នាជិតស្និទ្ធជាយូរមកហើយ ទើបប្រិយមិត្តចង់ឃើញពួកគេទាក់ទងគ្នាជាគូស្នេហ៍ពិត៕

ប្រែសម្រួល៖ សន្យា

ចុចអាន៖ Mark-Kim បញ្ចេញរូប Pre-Wedding ៦សន្លឹក មុនចូលរោងការ ៣ខែទៀត

ចុចអាន៖ វ័យ ៤១ឆ្នាំ Janie លេងខ្លួនសិចស៊ីម៉ាអស់ដៃ