គេសង្ស័យមូលហេតុ Ice Preechaya ចូលបន្ទប់ ICU មកពីបែកគ្នាជាមួយមិត្តប្រុស

កាលពីម្សិលមិញនេះ តារាសម្ដែង Ice Preechaya ត្រូវបញ្ជូនចូលបន្ទប់សង្រ្គោះបន្ទាន់ភ្លាមៗ ក្រោយពេលម្ដាយបានរកឃើញនាងកំពុងដេកសន្លប់នៅក្នុងបន្ទប់តែម្នាក់ឯង ហើយបើតាមការទម្លាយព័ត៌មានខ្លះៗពីម្ដាយ មូលហេតុដែលនាងត្រូវចូលសម្រាកបន្ទប់ ICU ទំនងមកពីបែកបាក់ជាមួយមិត្តប្រុស។

បើតាមការបង្ហើបខ្លះៗពីម្ដាយ បានឱ្យដឹងថា មុនពេលរកឃើញ Ice Preechaya ដេកសន្លប់ នាងបានផ្ញើសារប្រាប់ថា នាងស្រឡាញ់គាត់ណាស់។ ដោយឃើញអត្ថន័យសារហាក់ចម្លែក ទើបគាត់ប្រញាប់ទៅមើលក្នុងបន្ទប់ ហើយ​​រក​ឃើញ​កូនស្រីបានបាត់បងស្មារតី​នៅ​នឹង​ឥដ្ឋបាត់ទៅហើយ។ ដូច្នេះគាត់ក៏​ប្រញាប់​នាំនាង​​ទៅ​មន្ទីរពេទ្យ។

ម្ដាយ​ Ice Preechaya បន្តថា មួយរយៈពេលនេះ​កូនស្រីរបស់គាត់មានតានតឹងពីបញ្ហាជាច្រើនទាំង​ករណីជំនួយការរបស់នាងត្រូវថ្នាំបំពុល និងមតិរិះគន់អវិជ្ជមានពីទស្សនិកជនមួយចំនួន ទើបធ្វើឱ្យនាងគេងមិនលក់ និងញ៉ាំមិនបាន។

នៅពេលគេសួរអំពីទំនាក់ទំនងស្នេហា ម្តាយ Ice Preechaya សារភាពថា កូនស្រីរបស់គាត់ និងមិត្តប្រុសកំពុងមានបញ្ហាល្អក់កករនឹងគ្នា ​មាន​រឿង​មួយ​ចំនួន​ដែល​ពួកគេ​ព្យាយាម​សម្រប​គ្នា ​ប៉ុន្តែនៅតែ​មិន​អាច​ចុះសម្រុងនឹងគ្នា​បាន។ យ៉ាងណាមិញ ទំនាក់ទំនងកូនៗដើរដល់ផ្លូវទ័លឬយ៉ាងណា គាត់មិនដឹងច្បាស់នោះទេ ព្រោះជារឿងផ្ទាល់ខ្លួនរបស់ពួកគេ៕

ប្រែសម្រួល៖ សន្យា

ចុចអាន៖ តារាសិចស៊ី Ice Preechaya សន្លប់ភ្លាមៗ ត្រូវបញ្ជូនចូលបន្ទប់សង្គ្រោះបន្ទាន់

ចុចអាន៖ ល្បីថា Han So Hee កំពុងទាក់ទងស្នេហាជាមួយតារាបង្ហាញម៉ូដ Chae Jong Seok