ជីវិតកម្សាន្ដ
ហ្វីលីពីនអនុញ្ញាតឲ្យចាក់បញ្ចាំងរឿង Barbie ប៉ុន្តែត្រូវដាក់ព្រិលលើផែនទី
ប្រទេសហ្វីលីពីនបានស្នើសុំឲ្យដាក់ព្រិលលើផែនទីដែលបង្កភាពចម្រូងចម្រាសនៅក្នុងរឿង Barbie ទើបអនុញ្ញាតឲ្យចាក់បញ្ចាំងបាន ។
ភាពយន្តនេះត្រូវបានហាមឃាត់នៅក្នុងប្រទេសវៀតណាមរួចមកហើយ ព្រោះតែការបង្ហាញបន្ទាត់ត្រេ ៩ រាងអក្សរ U នៅលើផែនទី ។ ប៉ុន្តែហ្វីលីពីនជឿជាក់ថា វាគ្រាន់តែជាគំនូរជីវចលប៉ុណ្ណោះ ដូច្នេះនឹងសម្រេចឲ្យចាក់បញ្ចាំងនៅថ្ងៃទី ១៩ ខែកក្កដា ឆ្នាំ ២០២៣ តែម្ដង ។
ទន្ទឹមនោះ គណៈកម្មការត្រួតពិនិត្យ ចាត់ថ្នាក់ភាពយន្ត និងទូរទស្សន៍ហ្វីលីពីនក៏បានពិនិត្យភាពយន្តនេះ ២ ដងរួចហើយ ហើយថែមទាំងពិគ្រោះជាមួយមន្ត្រីកិច្ចការបរទេស និងអ្នកជំនាញផ្នែកច្បាប់ទៀតផង ។ ពួកគេជឿជាក់ថា តាមពិតទៅ រូបថ្លុកនេះគឺនិយាយអំពី “ដំណើររបស់ Barbie ពី Barbie Land ទៅកាន់ពិភពពិត” ដែលជាផ្នែកដ៏សំខាន់នៃរឿងប៉ុណ្ណោះ ។
ម្យ៉ាងទៀតកាលពីសប្ដាហ៍មុន ក្រុមហ៊ុនស្ទូឌីយោ Warner Bros ក៏បានចេញបកស្រាយដែរថា ផែនទីនេះគឺជាគំនូរកូនក្មេងគ្មានគោលបំណង ឬអត្ថន័យអ្វីផ្សេងឡើយ ។
គួរបញ្ជាក់ថា ចិន វៀតណាម ហ្វីលីពីន តៃវ៉ាន់ ម៉ាឡេស៊ី និងព្រុយណេ សុទ្ធតែប្រកួតប្រជែងគ្នាទាមទារទឹកដីនៅសមុទ្រចិនខាងត្បូង ។ ក្នុងរយៈពេលប៉ុន្មានឆ្នាំចុងក្រោយនេះ ទីក្រុងប៉េកាំងបានសាងសង់មូលដ្ឋានយោធានៅលើកោះសិប្បនិមិត្តក្នុងតំបន់នោះ ហើយធ្វើប្រតិបត្តិការល្បាតរបស់កងទ័ពជើងទឹកនៅទីនោះជារឿយៗ ក្នុងគោលបំណងអះអាងការទាមទារទឹកដីរបស់ខ្លួន ។
ទោះបីតុលាការអន្តរជាតិនៅទីក្រុងឡាអេបានកាត់ក្តីប្រឆាំងនឹងការទាមទាររបស់ចិននៅក្នុងសមុទ្រចិនខាងត្បូងក្នុងឆ្នាំ ២០១៦ ក៏ដោយ ប៉ុន្តែទីក្រុងប៉េកាំងមិនបានទទួលស្គាល់ការវិនិច្ឆ័យនោះទេ ៕
ប្រែសម្រួល៖ វារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ