ជីវិតកម្សាន្ដ

សុគន្ធ ថេរ៉ាយុ បញ្ជាក់ហេតុផលចំពោះអត្តចរិតទៅកាន់អ្នកគាំទ្រ

បានផុស

៣ years មុន

នៅ

ថ្ងៃព្រហស្បតិ៍ ២០ កក្កដា ២០២៣

ដោយ

តារាចម្រៀងវ័យក្មេងលោក សុគន្ធ ថេរ៉ាយុ បន្ទាប់ពីកសាងកេរ្តិ៍ឈ្មោះល្បីល្បាញនៅលើវិស័យសិល្បៈមួយរយៈកន្លងមក ស្រាប់តែលោកបានបាត់ខ្លួនពីវិថីសិល្បៈមួយរយៈ មហាជនជាច្រើនបានទន្ទឹងរង់ចាំវត្តមាននៃបទចម្រៀងថ្មីៗរបស់លោកដើម្បីប្រជែងលើទីផ្សារបច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុគន្ធ ថេរ៉ាយុ កាលពីពេលកន្លងទៅមិនត្រឹមតែក្លាយទៅជាតារាចម្រៀងដ៏មានប្រជាប្រិយភាពខ្លាំងនោះទេ លោកក៏មានភាពជោគជ័យខ្លាំងលើអាជីវកម្មផងដែរ។ ហើយអ្វីដែលគួរឱ្យចាប់អារម្មណ៍នាពេលនេះ លោក សុគន្ធ ថេរ៉ាយុ បានចេញមកទម្លាយពាក់ព័ន្ធអត្តចរិតផ្ទាល់ខ្លួនទៅកាន់អ្នកគាំទ្រ ក៏ដូចជាមហាជន និងអ្នកនៅជុំវិញផងដែរ។

ដើម្បីបង្វែរការយល់ខុសមួយចំនួនមកលើរូបលោក តារាប្រុស ថេរ៉ាយុ បានបញ្ជាក់ហេតុផលថា «ពេលខ្ញុំអត់សប្បាយចិត្ត ខ្ញុំអត់ចង់និយាយអ្វីទាំងអស់ មិនមែនមកពីឫក មិនមែនមកពីមិនពេញចិត្តអ្នកណាទេ ហើយពេលអត់សប្បាយចិត្ត ខ្ញុំគ្រាន់តែចង់នៅស្ងៀមស្ងាត់ បើមានគេសួរនាំច្រើនខ្លាចថា ទឹកភ្នែកខ្ញុំនឹងស្រក់ ខ្លាចថា នឹងអាចប្រើសម្ដីធំដាក់គេ ខ្លាចថា អារម្មណ៍នឹងនាំខួរក្បាលនិយាយអ្វីដោយមិនចេះគិតគូរធ្វើឱ្យអ្នកដទៃឈឺចាប់»។

តារាចម្រៀងលោក សុគន្ធ ថេរ៉ាយុ បាននិយាយទៀតថា ពេលដែលមិនសប្បាយចិត្ត លោកគ្រាន់តែចង់អនុញ្ញាតឱ្យខ្លួនឯងមិនសប្បាយចិត្តឱ្យអស់ចិត្ត រិះគិតឱ្យបានច្បាស់ ដោះស្រាយជាមួយខ្លួនឯងឱ្យដាច់ស្រឡះ មុននឹងរូបលោក សម្រេចត្រលប់មកជីវភាពធម្មតាវិញ។

ជាមួយគ្នានោះដែរ មហាជន និងអ្នកគាំទ្រ ក៏បានលើកទឹកចិត្តឱ្យ ថេរ៉ាយុ រឹងមាំ ខណៈសាមីខ្លួនបញ្ជាក់ដោយខ្លីទៀតថា “ហត់ណាស់បង”៕

អត្ថបទ ៖ ចាន់រ៉ា