រូបរាងឡើងទម្ងន់របស់ Lee Min-ho កំពុងធ្វើឱ្យទស្សនិកជនពោលសរសើរ និងរិះគន់ព្រមគ្នា

ការបង្ហាញខ្លួនជាសាធារណៈជាមួយនឹងរូបរាងឡើងទម្ងន់យ៉ាងខ្លាំងរបស់តារាសម្ដែងជួរមុខកូរ៉េខាងត្បូងលោក លី មីនហូ (Lee Min-ho) កំពុងធ្វើឱ្យអ្នកនិយមលេងអ៊ីនធឺរណិតពោលសរសើរ និងរិះគន់ព្រមគ្នា ខណៈម្ចាស់ខ្លួនហាក់មិនខ្វល់ខ្វាយបកស្រាយអ្វីទាល់តែសោះ។

តារាសម្ដែង លី មីនហូ បានក្លាយជាប្រធានបទដ៏ក្តៅគគុកលើបណ្តាញអ៊ីនធឺរណិត បន្ទាប់ពីលោកបង្ហាញវត្តមាននៅក្នុងព្រឹត្តិការណ៍មួយ នៅក្នុងប្រទេសថៃ កាលពីពេលថ្មីៗនេះ។ ស្របពេលដែលទស្សនិកជនមួយចំនួនពោលសរសើរតារាប្រុសវ័យ ៣៦ឆ្នាំរូបនេះថាស្រស់សង្ហា និងមានសុខភាពល្អ ទស្សនិកជនមួយចំនួនទៀតបានបញ្ចេញមតិអវិជ្ជមានថាលោកមិនចេះថែខ្លួន ពិតជាមិនសក្តិសមជាកំពូលតារាលំដាប់​ A នោះទេ។

ត្បិតថាទទួលរងពាក្យរិះគន់មិនល្អមួយចំនួនក្ដី ប៉ុន្តែអ្នកគាំទ្ររបស់ លី មីនហូ បានចេញមុខការពារតួឯក F4 រូបនេះ ដោយពួកគេលើកឡើងថា ឱ្យតែ Idol របស់ខ្លួនសប្បាយចិត្ត និងមានសុខភាពល្អ រូបរាងរបស់គាត់បែបណា ក៏ពួកគេនៅតែគាំទ្រ មិនប្ដួរឡើយ៕

ប្រែសម្រួល៖ សន្យា

ចុចអាន៖ ប៉ុន្មានថ្ងៃខាងមុខនេះ សមាជិក BTS ពីររូបទៀតនឹងចូលបម្រើយោធា