អ្នកគាំទ្រក្ដៅឆួល ក្រោយមានគេប្រមាថ Lisa ពេលស្លៀកឈុតប៊ីគីនី

និន្នាការទាមទារឱ្យសុំទោស Lisa សមាជិកក្រុម BLACKPINK (APOLOGIZE TO LISA) កំពុងបន្តចែករំលែកយ៉ាងផុសផុលនៅលើបណ្ដាញសង្គម X (Twitter ពីមុន) ពាសពេញពិភពលោក បន្ទាប់ពីមានមនុស្សមាក់ងាយប្រមាថទៅលើ Lisa ក្រោយពេលនាងស្លៀកឈុតប៊ីគីនីថតបង្ហោះ ក្នុងដំណើរកម្សាន្តនៅឯប្រទេសក្រិក។

រឿងរ៉ាវកើតឡើងបន្ទាប់ពីផេក​ព័ត៌មាន​​របស់​តារា​ចម្រៀង​ល្បីៗ Pop Crave បាន​បង្ហោះរូបថត​​របស់ Lisa ស្លៀកឈុតប៊ីគីនី ជាមួយ​នឹង​ពាក្យ​សរសើរថា “Lisa សមាជិក BLACPINK ពិតជាស្អាតណាស់ ​ក្នុង​រូបថត​ថ្មី” ។ ភ្លាមៗស្រាប់តែមានគណនីមួយដែលមានឈ្មោះថា NewJeans Global បានចូលខម្មិន (Comment) ថា “ពិតជាគួរឱ្យខ្លាចណាស់” ថែមទាំងមានភ្ជាប់ជាមួយ emoji លាមក ក្អួត ម្រាមដៃកណ្ដាល និងសើចទៀតផង។

ពាក្យខម្មិនយ៉ាងខ្លី និង emoji ប៉ុន្មាននេះ ត្រូវបានអ្នកគាំទ្រ Lisa ទូទាំងពិភពលោកសម្ដែងការមិនពេញចិត្ត និងខឹងសម្បារ ព្រោះពួកគេចាត់ទុកជាការខម្មិនប្រមាថកិត្តិយស Lisa យ៉ាងខ្លាំង។ ជាមួយនឹងការខឹងសម្បារជំនួសម្ចាស់ខ្លួន អ្នកគាំទ្របានរទាមទារឱ្យមានការសុំទោសចំពោះការបង្ហោះសារមិនល្អទៅកាន់ Lisa ផងដែរ។

ភ្លាមៗក្រោយផ្ទុះការមិនពេញចិត្ត អ្នកគ្រប់គ្រងគណនី NewJeans Global បានចេញមុខបកស្រាយមិនទុកយូរថា គណនីរបស់ខ្លួនត្រូវបានពួក Hacker លួច Hack ដោយ អេដមីន (Admin) មិនមែនជាអ្នកបង្ហោះសារដែលប្រមាថ Lisa នោះទេ ។

ទោះបីជាអ្នកគ្រប់គ្រង NewJeans Global បានសុំទោសចំពោះរឿងនេះ ប៉ុន្តែអ្នកគាំទ្រ Lisa នៅតែបន្តទាមទារឱ្យមានការសុំទោសពីអ្នកគ្រប់គ្រង NewJeans Global ជាថ្មីម្ដងទៀត ដោយសារតែពួកគេមិនជឿថា គណនីនេះត្រូវបាន Hack ឡើយ៕

ប្រែសម្រួល៖ សន្យា

ចុចអាន៖ ព័ត៌មានណាត់ជួបរវាង Lisa និងទាយាទស្នងត្រកូល LV លេចឮជាថ្មី

ចុចអាន៖ គ្រាន់តែ Naphat ប្រកាសលក់ឡានភ្លាម ប្រជាជនថៃសម្រុកចាក់ឆ្នោតព្រាត